Boða að gervigreind muni lækna sjúkdóma

Mann­kynið er sagt á barmi bylt­ingar í líf­fræði vegna gervi­greindar. Sjóður Zuckerberg-hjón­anna ætlar að gera líkan af ónæm­is­kerfi manns­ins og opna dyrnar að „verk­fræði mann­legrar heilsu“.

Zuckerberg-hjónin
Zuckerberg-hjónin Mark Zuckerberg og Priscilla Chan hafa boðað að stór hluti auð­æfa þeirra renni til rann­sókna á sjúk­dómum í krafti gervi­greindar. Mynd: Shutterstock

Chan Zuckerberg Ini­ti­ative, sjálfs­eign­ar­stofnun sem Mark Zuckerberg, aðal­eig­anda META, og eig­in­kona hans stofn­uðu með það að mark­miði að lækna alla sjúk­dóma, til­kynnti í gær að hún væri í end­ur­skipu­lagn­ingu til að ein­beita sér að notkun gervi­greindar til að ná því mark­miði.

Þessi aðgerð þrengir áherslur góð­gerð­ar­sam­tak­anna sem voru stofnuð árið 2015 með lof­orði um að verja mestum hluta veru­legs auðs hjón­anna í góð­gerð­ar­mál, þar á meðal félags­legt rétt­læti og kosn­inga­rétt.

Zuckerberg er meðal áber­andi tækni­frum­kvöðla sem hafa bakkað frá frum­kvæði um fjöl­breyti­leika, jafn­rétti og stað­reynda­kann­anir sam­fé­lags­miðla eftir að Donald Trump, for­seti Banda­ríkj­anna, tók við emb­ætti í jan­úar.

Samkvæmt fréttum létu sam­tökin af áherslum sínum í jöfn­uði og fjöl­breyti­leika starfs­fólks á þessu ári, drógu úr stuðn­ingi við sjálfs­eign­ar­stofn­anir sem útvega hús­næði og hættu að fjár­magna grunn­skóla sem veitti menntun og heilsu­gæslu til bág­staddra barna.

Góð­gerð­ar­verk­efnið sem stofn­andi Meta og eig­in­kona hans, Priscilla Chan, komu á fót, sagði að núver­andi for­gangs­verk­efni þess fæli í sér vís­inda­teymi sem eru mið­stýrð í aðstöðu sem kall­ast Biohub.

„Þetta er mik­il­vægur tíma­punktur í vís­indum og fram­tíð vís­inda­upp­götv­ana með gervi­greind er farin að koma í ljós,“ sagði Biohub í blogg­færslu.

„Við teljum að á næstu árum verði hægt að búa til öflug gervi­greind­ar­kerfi sem geta rök­rætt um og lýst líf­fræði til að flýta fyrir vís­indum.“

Biohub sér fyrir sér að gervi­greind hjálpi til við að þróa leiðir til að greina, koma í veg fyrir og lækna sjúk­dóma, sam­kvæmt færsl­unni.

Verk­efnið felur í sér að reyna að gera líkan af ónæm­is­kerfi manns­ins, sem gæti opnað dyr að „verk­fræði mann­legrar heilsu.“

„Við teljum okkur vera á barmi vís­inda­bylt­ingar í líf­fræði – þar sem fram­sækin gervi­greind og sýnd­ar­líf­fræði gefa vís­inda­mönnum ný tæki til að skilja lífið á grund­vall­ar­stigi,“ sagði Biohub í færsl­unni.

Fyrsta fjár­fest­ingin sem Zuckerberg-hjónin til­kynntu þegar frum­kvæðið hófst fyrir tæpum ára­tug var til stofn­unar Biohub í Kísildal þar sem vís­inda­menn, fræði­menn og aðrir gætu unnið að því að byggja upp tæki til að rann­saka og skilja sjúk­dóma betur.

Skömmu eftir stofnun keypti félagið kanadískt sprota­fyr­ir­tæki sem notar gervi­greind til að lesa og skilja vís­inda­greinar hratt og veita vís­inda­mönnum síðan inn­sýn.

„Þver­fag­leg teymi okkar vís­inda­manna og verk­fræð­inga hafa byggt upp ótrú­lega tækni til að fylgj­ast með, mæla og for­rita líf­fræði,“ sagði Biohub um fram­farir sínar.

Meta er meðal stóru tækni­fyr­ir­tækj­anna sem hafa dælt millj­örðum doll­ara í gagna­ver og fleira í kapp­hlaupi um að leiða á sviði gervi­greindar.

Kjósa
6
Hvernig finnst þér þessi grein? Skráðu þig inn til að kjósa.

Veistu meira?

Athugasemdir

Skráðu þig inn til að skrifa athugasemd eða kjósa.
Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið

5
Innlent

Hætta á að lánin hækki þó íbúða­verð lækki

Már Wolfgang Mixa hag­fræði­pró­fessor segir að stór hluti eigin fjár íbúða­eig­enda gæti þurrkast út á kom­andi mán­uðum. Verð­tryggðar fast­eigna­skuldir hækki í verð­bólgu­tíð sam­hliða því að íbúða­verð gæti lækkað. Hann leggur til að verð­tryggð hús­næð­is­lán fylgi íbúða­verði en ekki vísi­tölu neyslu­verðs. Þá myndu bank­arnir bera hluta áhætt­unnar.

Mest lesið

Mest lesið í vikunni

Mest lesið í mánuðinum

3
Viðtal

Íslenskur læknir varpar nýju ljósi á lífs­hættu­legan með­göngu­sjúk­dóm

Nítján ára gömul lá Silja Rut Ragn­ars­dóttir nær dauða en lífi á skurð­ar­borði Land­spít­al­ans eftir alvar­legt til­felli með­göngu­eitr­unar. Íslenskur vís­inda­maður í Banda­ríkj­unum, Jóhann Elí Guð­jóns­son húð­læknir, leiðir braut­ryðj­andi rann­sóknir sem varpa nýju ljósi á hvers vegna sjúk­dóm­ur­inn kemur fram. Hann telur mögu­legt að þróa lyf við sjúk­dómnum sem bjargað gæti manns­lífum.
6
Viðtal

Ást­leysið er sárt

Nánd er nær­ing, nauð­syn­leg eins og matur. Tæpur helm­ingur fólks elst upp í óör­uggum tengslum sem geta komið niður á tengslum og ást­ar­sam­böndum á full­orð­ins­árum, jafn­vel ógnað heilsu, enda er „tengsla­myndun ein af grunn­for­sendum far­sældar“, að sögn klíníska sál­fræð­ings­ins Guð­brands Árna Ísberg. Í bók sinni, Í augum þínum verð ég til, fjallar hann um getu okkar til að mynda tengsl og ást­ina í öllum sínum myndum.

Mest lesið í mánuðinum

Mest lesið undanfarið ár