Halda uppistand í þágu geðheilbrigðis og gera grín að eigin röskunum

Hópur fólks með geð-og taug­arask­anir stendur fyrir góð­gerð­ar­uppi­standi á fimmtu­dags­kvöld.

Næst­kom­andi fimmtu­dags­kvöld mun hóp­ur­inn „My Voices Have Tourettes“  standa fyrir góð­gerð­ar­uppi­standi á skemmti­staðnum The Secret Cellar í Lækj­ar­götu. Við­burð­ur­inn hefst kluk­ann fimm síð­degis og stendur fram yfir mið­nætti, en mark­miðið er vit­und­ar­vakn­ingn um geð­heil­brigði.

Hópinn skipar fólk sem glímir við tauga- og geð­rask­anir, þau Elva Dögg Hafberg, Dan Zerin og Hanna Proppé Bailey. Elva og Dan eru með Tourettes en Hanna er með geð­klofa. Í hóp­inn bætt­ust síðan Þór­hallur Þór­halls­son sem er hald­inn ofsa-kvíða­röskun, Stefnir Bene­dikts­son sem stríðir við geð­hvörf og svo Carmela Torrini og Steindór Har­alds­son sem bæði eru ein­hverf.

Meg­in­inn­tak uppi­stand­anna er hvers­dags­líf með­lima hóps­ins og hvernig sé að lifa með rask­an­irnar, eða eins og Elva Dögg orðar það: „allt þetta fyndna og asna­lega sem maður lendir í þegar maður þarf að lifa með ein­hverju sem fellur ekki inn í normið“.

Til­gangur sýn­ing­ar­innar, segir Elva, er að útvíkka merk­ingu þess hvað telst vera eðli­legt og venju­legt. „Við eigum öll heima í sama meng­inu, við erum öll normal.“

„Við eigum öll heima í sama meng­inu,
við erum öll normal“

Hópurinn var stofn­aður árið 2018 fyrir Reykja­vík Fringe hátíð­ina en hátíðin var haldin í fyrsta skipti hér á landi í fyrra. Þar er lagt mikið upp úr því að gefa jað­ar­hópum pláss á sviði og því fannst hópnum til­valið að hefja grín­fer­il­inn þar.

Uppi­stand hóps­ins sló í gegn á hátíð­inni og í kjöl­farið var þeim boðið að flytja uppi­stand öll fimmtu­dags­kvöld á The Secret Cellar, fyrsta og eina grín­klúbbi Íslands. Hópurinn fyllir sal­inn kvöld eftir kvöld.

Á við­burð­inum næst­kom­andi fimmtu­dag verður efnt til fjár­öfl­unar fyrir þrjú félög; Tourette-sam­tök Íslands, Geðhjálp og Ein­hverfu­sam­tökin. Til sölu verða bolir og vegg­spjöld hönnuð af vinum hóps­ins, þeim Hauki Tý Þor­steins­syni og Herthu Maríu Úlfs­dóttur.

Auk uppi­stands­ins mun hóp­ur­inn opna fyrir spurn­ingar úr sal og gefa áhorf­endum kost á að fræð­ast um rask­an­irnar. Elva segir hóp­inn vilja koma mál­efnum hóps­ins á dag­skrá í sam­fé­lag­inu. „Það eru allir að díla við eitt­hvað eða þekkja ein­hvern sem eru að díla við eitt­hvað,“ sgeir hún. „Þetta verður fyrsta góð­gerð­ar­kvöld hóps­ins en hóp­ur­inn stefnir á að halda fleiri af slíku tagi í fram­tíð­inni.“

Kjósa
0
Hvernig finnst þér þessi grein? Skráðu þig inn til að kjósa.

Veistu meira?

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.

Mest lesið

Mest lesið

Mest lesið í vikunni

Mest lesið í mánuðinum

3
Viðtal

Íslenskur læknir varpar nýju ljósi á lífs­hættu­legan með­göngu­sjúk­dóm

Nítján ára gömul lá Silja Rut Ragn­ars­dóttir nær dauða en lífi á skurð­ar­borði Land­spít­al­ans eftir alvar­legt til­felli með­göngu­eitr­unar. Íslenskur vís­inda­maður í Banda­ríkj­unum, Jóhann Elí Guð­jóns­son húð­læknir, leiðir braut­ryðj­andi rann­sóknir sem varpa nýju ljósi á hvers vegna sjúk­dóm­ur­inn kemur fram. Hann telur mögu­legt að þróa lyf við sjúk­dómnum sem bjargað gæti manns­lífum.
5
Viðtal

Ást­leysið er sárt

Nánd er nær­ing, nauð­syn­leg eins og matur. Tæpur helm­ingur fólks elst upp í óör­uggum tengslum sem geta komið niður á tengslum og ást­ar­sam­böndum á full­orð­ins­árum, jafn­vel ógnað heilsu, enda er „tengsla­myndun ein af grunn­for­sendum far­sældar“, að sögn klíníska sál­fræð­ings­ins Guð­brands Árna Ísberg. Í bók sinni, Í augum þínum verð ég til, fjallar hann um getu okkar til að mynda tengsl og ást­ina í öllum sínum myndum.

Mest lesið í mánuðinum

Mest lesið undanfarið ár