Doktorsnemar við Háskóla Íslands glíma við alvarlegan fjárskort sem hamlar rannsóknarstarfi og nýsköpun á Íslandi. Von úr viti dregst að birta niðurstöður úr rannsóknum sem væru almenningi til heilla, sökum þess að doktorsnemar fái ýmist ekki styrki til náms, þeir styrkir sem nemar fá eru til of stutts tíma og styrkupphæðir eru of lágar til að hægt sé að framfleyta sér á þeim. Doktorsnemar hafa leitað út fyrir landsteinana, þar sem ódýrara er að lifa, og sjá jafnvel ekki fyrir sér að snúa til baka. „Í raun og veru hraktist ég frá Íslandi,“ segir einn viðmælenda Stundarinnar. „Við erum að missa af þekkingarsköpun, missa af flottum og mikilvægum rannsóknum til hagsbóta fyrir íslenskt samfélag,“ segir annar.

Félag doktorsnema og nýdoktora við Háskóla Íslands, Fedon, birti á dögunum könnun sem gerð var meðal félagsmanna þess. Niðurstöður könnunarinnar sýna að staða doktorsnáms við skólann er alvarleg sökum þess að mikið skortir á …