Þessi grein birtist upphaflega í Stundinni fyrir meira en 5 árum.

Kynna sig sem nýtt símafyrirtæki en eru í helmingseigu Vodafone

101 Sam­band­ið, mark­aðs­sett sem „síma­fé­lag fram­tíð­ar­inn­ar“, er kynnt af með­lim­um Út­varps 101 sem „nýtt fyr­ir­tæki“. Um er að ræða sam­starfs­verk­efni Family 101 sf og Voda­fo­ne, í helm­ingseigu beggja að­ila.

Kynna sig sem nýtt símafyrirtæki en eru í helmingseigu Vodafone
101 Sambandið Þekktir listamenn standa bak við nýja vörumerkið.

Nýja símavörumerkið 101 Sambandið, sem markaðssett er með tónlistar- og leiklistarfólkinu sem stendur á bak við Útvarp 101 og hljómsveitir á borð við Sturla Atlas, verður rekið á kerfum Vodafone, sem er í eigu Sýnar. 101 Sambandið er ekki lögaðili, heldur eiga notendur viðskipti beint við Vodafone, þvert á orð þeirra sem kynna þjónustuna.

101 Sambandið var kynnt á blaðamannafundi í Hörpu í morgun. „Ég kynni til leiks sambandið, símafélag framtíðarinnar,“ sagði Unnsteinn Manuel Stefánsson söngvari við tækifærið. Hann er einn eigenda helmingshlutar á móti Sýn í 101 Productions, ásamt bróður sínum Loga Pedro, tónlistarmönnunum og bræðrunum Jóhanni Kristófer og Haraldi Ara Stefánssonum, Sigurbjarti Sturlu Atlasyni, Agli Ástráðssyni og Aroni Má Ólafssyni, einnig þekktum sem Aroni Mola.

Logi Pedro neitaði því aðspurður af notendum á Facebook og Twitter í dag að 101 Sambandið væri ný þjónustuleið Vodafone. „Þetta er ný farsímaþjónusta. Ekkert rebrand. Annað fyrirtæki.“

101 Productions, fyrirtækið sem rekur Útvarp 101, er hins vegar að hálfu leyti í eigu Sýnar, sem á Vodafone. Skilmálar á síðu 101 Sambandsins eru einnig skýrir um að Sambandið sé ekki lögaðili, heldur sé viðskiptasamband notenda við Sýn: „Sá lögaðili sem nefndur er Sambandið í skilmálum þessum er Vodafone / Sýn hf. Með samþykki eða staðfestingu þessara skilmála samþykkir áskrifandi jafnframt skilmála Vodafone fyrir fjarskiptaþjónustu eins og þeir eru hverju sinni, en skilmálar þeir eru aðgengilegir á vefsíðunni www.vodafone.is.“

Logi Pedro segir í athugasemd sem hann sendi Stundinni að alþekkt sé að fjarskiptafyrirtæki kaupi dreifingarþjónustu annars staðar frá. Svo sé í þessu tilfelli.

„101 Sambandið er samstarfsverkefni 101 Productions og Sýn hf. líkt og kemur skýrt fram á heimasíðu 101 Sambandsins.  

Allar vörur 101 Sambandsins eru þróaðar af 101 Productions, hinsvegar er tæknivinna og rekstur fjarskiptahluta í höndum Sýnar hf. Því liggur fyrir að Sýn er lögaðili á bakvið fjarskiptaþjónusta. 
Daglegur rekstur Sambandsins á sér stað í höfuðstöðvum 101 Productions, sem og er þjónustuver okkar rekið í höfuðstöðvum 101 Productions.
Ef ég hefði haft tækifæri á því að gera athugasemd við upprunalegu fréttina hefði ég sagt að við hjá 101 Productions erum afar stolt af samstarfi okkar við Sýn og af 101 Sambandinu. Tæknileg úrræði Sýnar gera okkur kleift að bjóða upp á frábæra vöru sem ætti að hrista vel uppi í íslenskum fjarskiptamarkaði.

Kjósa
0
Hvernig finnst þér þessi grein? Skráðu þig inn til að kjósa.

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.

Mest lesið

Segja svör Íslands hvorki viðunandi né í samræmi við raunveruleikann
4
Fréttir

Segja svör Ís­lands hvorki við­un­andi né í sam­ræmi við raun­veru­leik­ann

Hvít­þvott­ur, inni­halds­leysi og óvið­un­andi svör sem eru ekki í tengsl­um við raun­veru­leik­ann eru með­al þeirra orða sem Geð­hjálp not­uðu til að lýsa svör­um Ís­lands um geð­heil­brigð­is­mál í sam­ráðs­gátt. Inn­an stjórn­kerf­is­ins er unn­ið að drög­um að mið­ann­ar­skýrslu Ís­lands vegna alls­herj­ar­út­tekt­ar Sam­ein­uðu þjóð­anna á stöðu mann­rétt­inda­mála.

Mest lesið

Mest lesið í vikunni

„Á ekki möguleika á að fá réttláta málsmeðferð“
2
Fréttir

„Á ekki mögu­leika á að fá rétt­láta máls­með­ferð“

Nauðg­un­ar­kær­an var felld nið­ur, en um­boðs­mað­ur Al­þing­is tek­ur und­ir að­finnsl­ur við rann­sókn lög­reglu, varð­andi at­riði sem hefðu getað skipt máli við sönn­un­ar­mat. Eft­ir at­hug­un á máli Guðnýj­ar S. Bjarna­dótt­ur sendi um­boðs­mað­ur Al­þing­is einnig rík­is­sak­sókn­ara ábend­ingu varð­andi varð­veislu gagna í saka­mál­um og árétt­aði mik­il­vægi þess að ákær­andi hafi öll gögn und­ir hönd­um þeg­ar hann tek­ur af­stöðu.

Mest lesið í mánuðinum

Forsprakki útifundar játaði fjárdrátt á leikskólanum Klettaborg
1
Fréttir

Forsprakki úti­fund­ar ját­aði fjár­drátt á leik­skól­an­um Kletta­borg

Sig­fús Að­al­steins­son, stofn­andi hóps­ins Ís­land - þvert á flokka, sem stend­ur fyr­ir úti­fund­um um hæl­is­leit­end­ur, ját­aði á sig fjár­drátt frá leik­skól­an­um Kletta­borg þeg­ar hann var for­stöðu­mað­ur þar. Hann vill ekki dæma hvort brot af því tagi séu nógu al­var­leg til að inn­flytj­end­ur sem gerð­ust sek­ir um þau ætti að senda úr landi.

Mest lesið í mánuðinum

Nýtt efni

Mest lesið undanfarið ár