Verkfall 700 hót­el­þerna á samn­ingum Eflingar stétt­ar­fé­lags fer fram frá klukkan 10 í morgun til mið­nættis í dag á alþjóð­legum bar­áttu­degi kvenna. Samkvæmt til­kynn­ingu frá félag­inu hafa borist ábend­ingar um að hót­el­rek­endur hygg­ist stunda verk­falls­brot.

„Eflingu hafa borist fjöl­margar til­kynn­ingar um að hót­el­rek­endur hygg­ist beita starfs­fólk þrýst­ingi til að ýmist snið­ganga verk­falls­boðun eða ganga í störf starfs­fólks í verk­falli,“ segir í til­kynn­ingu frá Eflingu. „Hvort tveggja eru verk­falls­brot.“

Val­gerður Árna­dóttir starfs­maður félags­sviðs Eflingar hefur heyrt margar slíkar frá­sagnir í vik­unni. „Áhyggju­fullir hót­el­starfs­menn hafa tjáð mér að það séu uppi áform um ýmis brot, svo sem að hindra starfs­menn í að fara í verk­fall sem þrífa almenn­ings­rými og sinna þvottum,“ segir Val­gerður. „Sum­staðar er verið að boða starfs­menn sem almennt vinna ekki við þrif til að mæta fyrr og sinna þeim með her­berg­is­þernum, bæði til að ná að klára þrif fyrir kl 10:00 og einnig eftir að verk­fall hefst.“

Verk­fallið nær til þrifa, hrein­gern­inga og frá­gangs her­bergja og ann­arrar gisti­að­stöðu, þar með talið á göngum, sal­ernum og í sam­eig­in­legu rými, á öllum hót­elum og gisti­húsum á félags­svæði Eflingar.

Sólveig Anna Jóns­dóttir, for­maður Eflingar sendi í byrjun mán­aðar hót­el­rek­endum á félags­svæð­inu bréf til að árétta rétt starfs­fólks til þátt­töku í verk­fall­inu ásamt með skyldum atvinnu­rek­enda.