Þegar Borg­hildur Ind­riða­dóttir und­ir­bjó frum­flutn­ing verks­ins Demoncrazy á Lista­há­tíð í Reykja­vík í fyrra óraði hana ekki fyrir því að rúmu hálfu ári síðar ætti verkið enn eftir að taka yfir drjúgan tíma hennar. Það hefur hins vegar heldur betur undið upp á sig og tekið óvæntar stefnur, eftir að Facebook eyddi öllum vinum hennar á einu bretti, skömmu fyrir frum­sýn­ingu verks­ins.

„For­svars­menn Freemuse höfðu sam­band við mig að fyrra bragði og buðu fram aðstoð sína. Þau eru að hjálpa mér að finna lög­fræð­inga sem geta flutt málið í Banda­ríkj­unum. Það þarf skilst mér að vera þar, því höf­uð­stöðvar Facebook eru í Silicon Valley,“ segir Borg­hildur.

Freemuse eru sam­tök sem berj­ast fyrir tján­ing­ar­frelsi lista­manna á heims­vísu, meðal ann­ars með því að styðja þá opin­ber­lega og aðstoða þá við að standa á rétti sínum. Í ítar­legri skýrslu sem sam­tökin gáfu frá sér í lok síð­asta árs, undir nafn­inu Creativity Wronged: …