NNálgunarbann er tiltölulega nýtt úrræði í íslenskum lögum. Samkvæmt skilgreiningu núgildandi laga er með nálgunarbanni átt við þau tilvik þegar manni er bannað að koma á tiltekinn stað eða svæði, veita eftirför, heimsækja eða setja sig með öðru móti í samband við annan mann. Reynsla margra brotaþola er að erfitt sé að fá nálgunarbann. Þá virðast úrræði lögreglu fá, þegar einstaklingur virðir ekki nálgunarbann.

Litið til höfuðborgarsvæðisins hefur frá því 1. janúar árið 2015 fram til dagsins í dag komið til álita að einstaklingur sæti nálgunarbanni í 192 málum. Mikilvægt er að taka fram að í þeim tilvikum hafa bæði brotaþoli og lögregla talið þörf á nálgunarbanni, þar sem það skilar sér ekki alltaf í skráningu lögreglu, þegar aðeins brotaþoli óskar sjálfur eftir nálgunarbanni. Þetta sýna gögn sem upplýsinga- og áætlanadeild lögreglunnar á höfuðborgarsvæðinu tók saman fyrir Stundina. Blaðamaður Stundarinnar hefur óskað eftir …