Oftar mætti grípa til síbrotagæslu

Skerpt var á ákvæði um nálg­un­ar­bann í nýjum lögum árið 2011, í þeim til­gangi að auka rétt­ar­vernd þolenda. Á þetta bendir Kolbrún Bene­dikts­dóttir vara­hér­aðs­sak­sókn­ari en hún hefur umtals­verða reynslu af málum er tengj­ast heim­il­is­of­beldi, bæði í starfi sínu sem sak­sókn­ari en hún var einnig for­maður Barna­verndar Hafn­ar­fjarðar á árunum 2007 til 2014. „Menn töldu að það væri ekki gert með nægi­lega skýrum hætti,“ segir Kolbrún. Þegar lög­unum sé beitt þurfi að hafa í huga að tvenns konar hags­munir veg­ist á, ann­ars vegar rétt­indi sak­born­ings til að vera frjáls ferða sinna og geta verið þar sem hann vill, og hins vegar hags­munir brota­þola af því að þurfa ekki að vera í sam­skiptum við ein­hvern sem er ógn­andi og hræðir. Þá bendir hún á að ekki megi beita nálg­un­ar­banni ef hægt er að vernda brota­þola með væg­ari hætti.