Stytting vinnu­vik­unnar hefur jákvæð áhrif á and­lega og lík­am­lega heilsu, dregur úr veik­indum og eykur starfs­á­nægju. Þetta kom fram í erindi Arnars Þórs Jóhann­es­sonar, sér­fræð­ingi hjá Rann­sókn­ar­mið­stöð Háskól­ans á Akureyri, á 45. þingi BSRB í morgun.

Reykja­vík­ur­borg hefur rekið til­rauna­verk­efni um stytt­ingu vinnu­vik­unnar án launa­skerð­ingar í sam­starfi við BSRB. Í skýrslu um verk­efnið kemur fram að bæði körlum og konum hafi gengið betur að sam­þætta vinnu og einka­líf með styttri vinnu­viku og álag á heim­il­inu minnkað.

Karl­arnir töldu sig taka meiri þátt og axla meiri ábyrgð á heim­il­is­störfum en áður. Gæða­stundum með börnum fór fjölg­andi og vist­un­ar­tími barna stytt­ist auk þess sem sam­skipti við bæði vinnu­fé­laga og fjöl­skyldu fóru batn­andi. Þá kom fram að starf á vinnu­stöðum hefði orðið mark­viss­ara.

Þátt­tak­endur í verk­efn­inu segja bæði lík­am­lega og and­lega heilsu hafa farið batn­andi og starfs­á­nægju hafa auk­ist. Mis­mun­andi sé hvernig fólk nýtir þennan aukna frí­tíma, en margir nefndu að þeir hefðu meiri tíma fyrir börnin, tóm­stundir, félags­líf, tengsl við for­eldra og ætt­ingja, sjálfs­rækt og þrif.