Þegar stjórn­endur Bóka­safns Kópavogs tóku ákvörðun um að loka rúss­nesku deild­inni árið 2016 var þeim sjö hund­ruð bókum sem til­heyrðu því safni pakkað saman og komið á rúss­neska sendi­ráðið. Þar gátu bæk­urnar ekki verið og því var þeim komið áfram til með­lima Rúss­nesku menn­ing­ar­mið­stöðv­ar­innar, félags­skapar sem hefur þann til­gang að efla tengsl á milli Rússa og Íslend­inga.

Tekin var ákvörðun um að stofna bóka­safn utan um bæk­urnar, sem voru um sjö hund­ruð tals­ins, og var gert sam­komu­lag við prest Rétt­trún­að­ar­kirkj­unnar um að koma því fyrir í sam­komu­húsi Rússa við Öldugötu 44, þar sem söfn­uður kirkj­unnar á Íslandi hefur aðstöðu. Húsið er opið dag­lega og þar fara meðal ann­ars fram guðs­þjón­ustur um helgar.

Engin svör og enginn áhugi

„Við byrj­uðum að byggja upp bóka­safnið og fórum að fá mikið af gef­ins bókum til við­bótar,“ rifjar María Ylfa Lebedeva upp, en hún er ein þeirra sem standa að menn­ing­ar­mið­stöð­inni. …