Þingmenn fjögurra stjórnarandstöðuflokka vilja starfshóp um borgaralaun

Full­trúar Pírata, Mið­flokks­ins, Sam­fylk­ing­ar­innar og Flokks fólks­ins í vel­ferð­ar­nefnd Alþingis leggja til að þings­á­lykt­un­ar­til­laga um stofnun starfs­hóps sem kort­leggi mögu­leika á inn­leið­ingu borg­ara­launa verði sam­þykkt óbreytt. Þetta kemur fram í nefnd­ar­á­liti frá minni­hluta nefnd­ar­innar sem sam­þykkt var á mið­viku­dag og birt­ist á Alþing­isvefnum í gær. 

Vill skoða borg­ara­launHalldóra Mogensen, þing­kona Pírata og for­maður vel­ferð­ar­nefndar, er einn ötul­asti tals­maður þess að hug­myndin um borg­ara­laun verði tekin til alvar­legrar skoð­unar.

„Minni hlut­inn áréttar að með þess­ari til­lögu er ekki lagt til að þegar verði tekin upp skil­yrð­is­laus grunn­fram­færsla, heldur að unnin verði fag­leg grein­ing­ar­vinna sem yrði inn­legg í umræðu um mögu­leg næstu skref,“ segir í álit­inu. „Við þessa vinnu yrði leitað víð­tæks sam­ráðs við inn­lenda og erlenda sér­fræð­inga, hags­muna­að­ila og aðra aðila sem að mál­inu geta komið. Óháð því hver nið­ur­staða rann­sókn­ar­innar verður er mik­il­vægt að efla umræð­una um fram­færslu og fram­færslu­kerfi og að stuðla að því að nýjar hug­myndir um þau verði rann­sak­aðar ef í þeim kunna að fel­ast fram­farir.“ 

Undir álitið skrifa Halldóra Mogensen, nefnd­ar­for­maður og Pírati, Anna Kolbrún Árna­dóttir úr Mið­flokknum, Guðjón S. Brjáns­son úr Sam­fylk­ing­unni og Guð­mundur Ingi Krist­ins­son úr Flokki fólks­ins, en þing­menn Pírata standa að þings­á­lykt­un­ar­til­lög­unni. 

Efasemdir um ágæti borgaralauna á hægrivængnum

Málið var tekið til umræðu á Alþingi þann 24. jan­úar síð­ast­lið­inn. Þar lýstu Brynjar Níelsson, þing­maður Sjálf­stæð­is­flokks­ins, og Þor­steinn Víglunds­son, þing­maður Við­reisnar, efa­semdum um að borg­ara­laun væru skyn­sam­leg hug­mynd. 

Þor­steinn Víglunds­sonþing­maður Við­reisnar

„Ég er mik­ill stuðn­ings­maður þess að við séum með örygg­is­net í sam­fé­lag­inu, að við grípum t.d. þá sem detta út af vinnu­mark­aði tíma­bundið í gegnum atvinnu­leys­is­trygg­inga­kerfið. En auð­vitað er sterkasti drif­kraft­ur­inn í okkur öllum ein­hvers konar sjálfs­bjarg­ar­við­leitni,“ sagði Þor­steinn. „Við sáum þegar við fórum í gegnum efna­hags­ham­farir nýlega, ef má lýsa þeim þannig, þá varð alveg gríð­ar­leg aukn­ing í nýsköpun og þróun og sköpun nýrra starfa þar sem hæft fólk sem misst hafði vinn­una fór og skap­aði sér eitt­hvað. Þess vegna velti ég fyrir mér: Óttast hátt­virtur þing­maður ekki að skil­yrð­is­laus grunn­fram­færsla sem þessi dragi úr þeim krafti nýsköp­unar, sjálfs­bjarg­ar­við­leitni, ef við viljum kalla það svo, að hún veiki slíka við­leitni hjá fólki?“

„Nóg að þurfa að hlusta á þetta allt saman í Mennta­skól­anum í Hamra­hlíð á sínum tíma“

Mynd: Pressphotos.biz

Brynjar Níelsson tók dýpra í árinni. „Mér finnst þetta full­kom­lega frá­leitt. Ég er ekki hrif­inn af ein­hverjum sam­fé­lags­legum til­raunum eins og menn reyndu með sós­í­al­ism­anum á síð­ustu öld. Ég held að þessi sam­fé­lags­til­raun væri enn þá verri og skað­legri,“ sagði hann. „Ég ætla ekki að taka þátt í annarri sam­fé­lags­til­raun. Það var nóg að þurfa að hlusta á þetta allt saman í Mennta­skól­anum í Hamra­hlíð á sínum tíma. Ég ætla ekki að taka fleiri til­raunir af þessu tagi og ég held að við eigum bara að velta því fyrir okkur að vera frekar hvetj­andi, jákvæð og tryggja það með betri hætti en við gerum í dag, auð­vitað með því að hafa betra og öfl­ugra atvinnu­líf og að sem flestir taki þátt í því, að við getum þá stutt þá almenni­lega sem eiga undir högg að sækja og þurfa á grunn­fram­færslu að halda. Við þurfum að standa okkur betur í því.“