Engar ráð­staf­anir eru boð­aðar í fjár­mála­á­ætlun rík­is­stjórn­ar­innar til að bæta kjör öryrkja heldur eru aukin fram­lög ein­göngu miðuð við fjölgun fólks á örorku. Formaður Öryrkja­banda­lags Íslands (ÖBÍ) segir áætl­un­ina ekki inni­halda lausnir heldur muni hún við­halda félags­legum vanda­málum, og auka á þau. „Það er ekki verið að græða sár, sem við þurfum svo mjög á að halda, heldur er þetta eins og að setja plástur yfir gröft,“ segir Þuríður Harpa Sig­urð­ar­dóttir, for­maður ÖBÍ.

Þetta kemur fram í við­tali sem birt er við Þuríði Hörpu á síðu Öryrkja­banda­lags­ins. Þuríður gagn­rýnir að ekki standi til að hækka per­sónu­af­slátt þegar kemur að skatt­kerf­is­breyt­ingum heldur að lækka eigi tekju­skatts­pró­sentu. Þeim sem minnst hafi myndi frekar gagn­ast hækkun per­sónu­af­sláttar.

Þuríður Harpa segir enn fremur að afnám krónu á móti krónu skerð­inga í örorku­bóta­kerf­inu, sem boðað er að verði farið í á tíma­bil­inu 2019-2023, þoli enga bið. Afnema verði skerð­ing­arnar nú þegar því með þeim sé verið að halda öryrkjum föstum í fátækt­ar­g­illdru, „með kerf­is­bundnu ofbeldi. Því verður að ljúka strax. Það sjá það allir að það gengur ekki að einum þjóð­fé­lags­hópi sé bein­línis refsað fyrir sjálfs­bjarg­ar­við­leitni,“ segir Þuríður Harpa. Ekki sé eftir neinu að bíða, hægt sé að afnema skerð­ing­arnar strax í dag.