Farnar verða þrjár ferðir í ágúst sem nefnast Grænihryggur, Skalli og Laugar. Um er að ræða dagsferðir en gengið verður að Grænahrygg og komið niður í Landmannalaugar. Litadýrðin á svæðinu er einstök og upplifunin sömuleiðis enda leiðin sérstök með öllum sínum fjölbreytileika, sérstæðu og litadýrð. Fjallavinir munu bjóða upp á fleiri ferðir, meðal annars á Herðubreið, nokkuð sem göngufólk þarf að upplifa, segir Þórður Ingi Marelsson, en hann er eigandi Fjallavina ásamt konu sinni, Fríðu Halldórsdóttur.

Vel geymd perla

Þórður Ingi segir að Grænihryggur og svæðið þar í kring sé vel geymd perla. Þetta er fremur krefjandi hálendisganga sem tekur sex til átta klukkustundir. Farið er af stað úr Reykjavík klukkan sex að morgni og komið í bæinn aftur um miðnætti.

Grænihryggur dregur nafn sitt af litnum sem er á honum en hann er túrkísgrænn og áberandi í landslaginu. Grænihryggur er innan við Landmannalaugar á Torfajökulssvæðinu, en svæðið er afar …