„Ég er land­eig­andi að Fosslaug og Reykja­fossi og hef lokað aðgangi að laug­inni og foss­inum mín megin fyrir almenna umferð, alla­vega í bili,“ til­kynnir Dagur Torfason land­eig­andi í hópnum Bakland ferða­þjón­ust­unnar á Facebook þar sem fjöldi fólks sem starfar við skipu­lagn­ingu ferða er virkt.

„Vildi láta vita svo ekki sé verið að skipu­leggja ferðir eins og staðan er í dag,“ bætir hann við. „Vin­sam­leg­ast virðið það.“

Fosslaug og Reykja­foss eru vin­sælir áfanga­staðir í Skaga­firði skammt frá Varma­hlíð. Rukkað er fyrir bíla­stæði skammt frá svæð­inu og þaðan er stutt ganga til að skoða nátt­úruperlurnar. Fosslaug er heit laug sem hægt er að baða sig í og foss­inn þekktur fyrir áhrifa­mikla en róandi feg­urð sína.

„Ég lít á það sem svo að landið sé í rækt“

Ekki náð­ist í Dag til að spyrj­ast fyrir um ástæður lok­un­ar­innar en í umræðum í Facebook hópnum benda ýmsir á að land­eig­anda sé óheim­ilt að tak­marka …