Forseti Bandaríkjanna, Donald Trump, hefur gert hlé á svokölluðu „Frelsisverkefni“ bandarísku ríkisstjórnarinnar, sem gengur út á að tryggja eðlilega skipaumferð um Hormússundið að því er AP greinir frá. Tugir þúsunda skipverja sitja fastir í Persaflóanum.

Forsetinn sagðist hafa gert hlé aðgerðinni svo hann gæti lokið samningum við Íran til þess að binda endi á stríðið. Vaxandi þrýstingur er á forsetann af hálfu bandaríska þingsins, en lögum samkvæmt þarf forsetinn að fá samþykki þingsins fyrir stríði innan 60 daga frá því að innrás hefst. Þeim fresti lauk í síðustu viku en forsetinn hefur vísað til aðgerðanna með sams konar hætti og innrás Rússa inn í Úkraínu, að um sértæka hernaðaríhlutun hafi verið að ræða.

Óvænt stefnubreyting Trumps var eins og oft áður tilkynnt í færslu á samfélagsmiðlum þar sem hann sagðist ætla að fresta verkefninu um „stutta stund“ til þess að skapa svigrúm til samningaviðræðna við Írani í von um að …