Varaformaður umhverfis- og mannvirkjaráðs Akureyrarbæjar, Bjarney Sigurðardóttir, fulltrúi Miðflokksins, var vanhæf til þess að greiða atkvæði um að ganga til samninga við vinnuveitanda sinn og frænda samkvæmt áliti bæjarlögmanns.

Þetta kemur fram í svörum formanns nefndarinnar, Brynju Hlífar Þorsteinsdóttur, fulltrúa L-listans á Akureyri. Til stendur að skoða hvort Bjarney hafi gerst brotleg við siðareglur bæjarins.

Álit um ættartengsl lá fyrir

Heimildin greindi frá því fyrr í vikunni að Bjarney hafi greitt atkvæði um að ganga til samninga við vinnuveitanda sinn, Finn ehf., á fundi ráðsins í síðustu viku. Það gerði hún eftir að bæjarlögmaður komst að þeirri niðurstöðu að hún væri vanhæf gagnvart eiganda fyrirtækisins í öðru máli, mánuði fyrr, vegna ættartengsla.

Bjarney sagði í samtali við Heimildina fyrr í vikunni að hún liti ekki svo á að hún hafi verið vanhæf í málinu, þar sem um lægsta tilboð hafi verið …