Tæpum klukkutíma eftir að Aaja Chemnitz lendir í Nuuk hefur hún mælt sér mót við blaðamenn Heimildarinnar á kaffihúsi menningarmiðstöðvarinnar. Farangurinn liggur við fætur hennar, en hún var að koma frá Danmörku þar sem hún er annar tveggja fulltrúa grænlenska þingsins. Áður sat hún á Alþingi Grænlendinga, en undanfarin sjö ár hefur hún talað máli þeirra í Danmörku. „Mér finnst það áhugavert. Þetta er mjög menningarnæmt, að vera í suðupotti þessara tveggja menningarheima sem eru eins ólíkir og hægt er, hvort sem um er að ræða menningu, tungumál eða lífshætti, þá er mikill munur á Dönum og Grænlendingum.“

Hún biður um smástund til þess að ljúka við tebollann og taka stöðuna. Þar sem hún situr ein við borðið og drekkur í rólegheitunum virðist allt vera með kyrrum kjörum, en hún er engu að síður stödd í miðju stormsins.

Fyrr um morguninn hafði hún lýst því á Facebook hvað allt gerist …