Á sama ári og á fimmta hundrað íslenskra aukaleikara eiga von á því að sjá sjálfa sig á hvíta tjaldinu í Ódysseifskviðu leikstjórans Christophers Nolan, virðast fáar íslenskar kvikmyndir ætla að koma út. Von er á stórstjörnunni Patti Smith til landsins í maí og almyrkva á sólu verður fagnað með fjögurra daga menningarhátíð á Snæfellsnesi í ágúst. Björk mun gefa út nýja plötu og sýning eftir hana verður sýnd á Listahátíð í Reykjavík.

Að mati poppfræðingsins Arnars Eggerts Thoroddsen er ekki eins mikið að óttast við gervigreindina, í það minnsta á sviði tónlistar, og fólk vill stundum meina. Hann telur að bíóhúsin séu að víkja en menning tónleika og tónlistarhátíða lifi góðu lífi á Íslandi. Bókmenntafræðingurinn Haukur Ingvarsson segir stöðu ljóðsins sterka og telur að íslenskar bókmenntir geti oft gefið innsýn í hvað sé að gerast í samfélaginu. 

Heimildin rýnir í ríkjandi strauma í menningunni, hvað sé á döfinni á …