Ungur karlmaður af Austurlandi ferðaðist alla leið til alræðisríkisins Norður-Kóreu – alþýðulýðveldisins Kóreu eins og hann kallar það – í októbermánuði til að vera viðstaddur hátíðarhöld í tilefni 80 ára afmælis kóreska Verkamannaflokksins. Hann tók smálán til að eiga fyrir flugmiðanum, því hann ætlaði ekki að láta tækifærið til að heimsækja landið renna sér úr greipum. 

Kristinn Hannesson flutti ræðu á hátíðarhöldunum og fullyrðir að mikill uppgangur sé í landinu. Hann segir ekki hægt að treysta fullyrðingum um mannréttindabrot norður-kóreskra yfirvalda, jafnvel þótt ítarlegar frásagnir og ályktanir alþjóðlegra mannréttindasamtaka og Sameinuðu þjóðanna segi stöðu mannréttinda í landinu með því versta sem gerist í heiminum. Það séu frásagnir sem séu runnar undan rifjum suður-kóresku leyniþjónustunnar. 

Ekki á vegum flokksins

Kristinn var frambjóðandi Sósíalistaflokksins fyrir síðustu þingkosningar og er enn virkur í starfi flokksins. Skiptar skoðanir hafa verið á heimsókn …