Snorri Másson, þingmaður Miðflokksins, talaði um 64 prósent tímans þegar hann mætti Þorbjörgu Þorvaldsdóttur, samskipta- og kynningarstjóra Samtakanna 78, í umræðum um trans fólk sem Kastljós sýndi fyrr í vikunni. Þorbjörg talaði um 30 prósent tímans og þáttastjórnandi um 6 prósent. Snorri fékk því drjúgan tíma til þess að koma sjónarmiðum sínum á framfæri í um sautján mínútna löngum þættinum, á sama tíma og sjónarmið Þorbjargar fengu síður tækifæri til að skila sér inn í stofur landsmanna.
36 prósent þöggun
Allnokkuð hefur verið rætt um það sem Snorri sagði í þættinum. Vakti Sigmundur Davíð Gunnlaugsson, samflokksmaður hans, athygli á því í sérstakri yfirlýsingu þar sem hann sagði meðal annars að Snorri hefði verið beittur þöggunartilburðum. Það sagði hann þrátt fyrir að Snorri talaði lengur en viðmælandi og þáttastjórnandi samanlagt.
Meðal annars sagði Sigmundur: „Kaldhæðnislegt er að í hinum ofsafengnu viðbrögðum raungerist einmitt það sem Snorri reyndi að …
1. Viðtalsþættir í beinni lítil eða engin upplýsing fyrir almenning. Þeir fremur snuð upp í lýðinn til að totta og smjatta á, hneykslast á, svo lýðurinn beini ekki athyglinni að hagsmunum sínum. Vandaðir og fáir fréttaskýringarþættir í hverjum mánuði eins og var skila miklu meiri upplýsingu, nauðsynlegu fyrir upplýst lýðræði. Gjörbylta má tíðni fréttatíma, fréttaskýringaþátta og fréttabirtinga RÚV þannig að unnið sé í samræmi við 3. grein laga um RÚV, 7. lið s.s. um birtingu fjölbreyttra viðhorfa, gagnstæðra skoðana, og gagnreyndra upplýsinga. Minna er meira.
2. Mikilvægi réttar fólks til að tjá skoðanir sínar, hvort sem fram sett rök styðja þær eða ekki, er nokkuð sem Heimildin fjallar lítt eða ekki um. Húnmætti greina frá hvað fræðimenn s.s. Jón Gunnar Ólafsson nýdoktor í fjölmiðlafræðum, segja um nauðsyn þess að allar raddir geti fengið að tjá sig. Og fjalla um hvað gerist þegar fólki er meinað tjá skoðun sína, eða hafa sinn skilning á hlutunum, hversu rangir eða réttir þeir kunni að vera.