Þingmenn stjórnarandstöðunnar hafa í umræðum um veiðigjöld á Alþingi í dag sakað ríkisstjórnina um popúlisma og vanmat á neikvæðum áhrifum hækkunar þess á byggðir landsins. 

Jón Pétur Zimsen, þingmaður Sjálfstæðisflokksins, sagði frumvarpið vera „falsfrumvarp“ og að pólitíkin í málinu væri „viðurstyggileg“. Afleiðing frumvarpsins er að veiðigjöld verða reiknuð af ætluðu raunvirði afla, frekar en af verði aflans í eigin viðskiptum útgerðafélaga og er áætlað að þau hækki þar með um rúma 7 milljarða króna á milli ára.

Þingmenn stjórnarandstöðu hafa í dag og í gær tekið dæmi af hverju útgerðarfélagi á fætur öðru, sem og sveitarfélögum, sem muni búa við skarðan hlut við samþykkt frumvarpsins.

Jón Pétur tók dæmi af Skinney-Þinganesi á Höfn í Hornafirði. „Ég get upplýst að arðsemi eiginfjár í því fyrirtæki er 3,7 prósent og eftir að þessi skattur kemur á verður það 0,7 prósent“.

Skinney-Þinganes hagnaðist aðeins um 639 milljónir króna í fyrra. Árið áður, …