Flugfélagið Air India segir Boeing-vél sína hafa verið „vel viðhaldið“ áður en hún fórst fyrir viku, en aðeins einn af 242 um borð lifði slysið af. 

Indversk yfirvöld hafa enn ekki greint frá því hvað olli því að Boeing 787-8 Dreamliner-vélin fórst í borginni Ahmedabad í vestri landsins. Þar létust einnig að minnsta kosti 38 manns á jörðu niðri.

Á meðan rannsakendur vinna að því að ná í gögn úr svokölluðum svörtum kössum vélarinnar — talritanum úr flugstjórnarklefanum og flugupplýsingaritara — segir Air India að engin vandamál hafi komið upp í vélinni fyrir flugið.

„Vélinni var vel viðhaldið og fór síðast í yfirgripsmikið eftirlit í júní 2023,“ sagði í yfirlýsingu frá flugfélaginu. „Hægri hreyfill vélarinnar var tekinn í gegn í mars 2025 og sá vinstri skoðaður í apríl sama ár. Bæði vélin og hreyflarnir voru reglulega vaktaðir, og engin frávik komu fram fyrir flugið.“

Vélin, sem var á leið …