Þessi grein birtist fyrir rúmlega 4 mánuðum.

Hagræðingartillögur á annað þúsund: Fækkun sendiráða og aðstoðarmanna

Mik­ill fjöldi til­lagna um hag­ræð­ingu í rík­is­rekstri hafa borist sam­ráðs­gátt stjórn­valda. Heim­ild­in tók sam­an fjölda nokk­urra vin­sælla hug­mynda svo sem fækk­un að­stoð­ar­manna og minni stuðn­ing við Borg­ar­línu.

Hagræðingartillögur á annað þúsund: Fækkun sendiráða og aðstoðarmanna
Ríkisstjórnin Ný ríkisstjórn Kristrúnar Frostadóttur hefur lýst því yfir að hagræðing og einföldun í ríkisrekstri sé forgangsverkefni. Mynd: Golli

Forsætisráðuneytið óskaði í gær eftir tillögum um leiðir til að hagræða, einfalda stjórnsýslu og sameina stofnanir ríkisins. Opnað hefur verið fyrir ábendingar frá almenningi, fyrirtækjum og hagsmunaaðilum sem geta sent inn tillögur, hugmyndir og sjónarmið í samráðsgátt til 23. janúar. Í kjölfarið verður starfshópur á vegum ráðuneytisins stofnaður um tillögurnar.

Framtakið er hluti af verkefni nýrrar ríkisstjórnar um að hagræða, einfalda stjórnsýslu og sameina stofnanir. Tillögurnar eru jafn margvíslegar og þær eru margar og spanna allt hið pólitíska litróf. Um helmingur hugmyndanna er þó nafnlaus og ekki sýnilegur almenningi. Eitt mál, tillaga númer 987, er síðan ekki birt samkvæmt ákvörðun forsætisráðuneytisins og er þar vísað til upplýsingalaga.

Margir vilja draga úr umsvifum RÚV

Þegar þetta er skrifað hafa 1127 tillögur borist samráðsgátt stjórnvalda á þeim rúma sólarhring sem opið hefur verið fyrir þær. 

Sumar tillögur koma oftar fyrir en aðrar. Heimildin gerði úttekt á nokkrum hugmyndum sem komu oft fyrir í fyrstu rúmlega þúsund tillögunum. Hér má sjá tíðni þeirra:

  • 42 hugmyndanna snúast um að selja, loka eða minnka umsvif og hlutverk Ríkisútvarpsins.
  • 40 hugmyndanna snúa að því að fækka eða draga úr sendiráðum.
  • 25 hugmyndir snúast um að fækka aðstoðarmönnum ríkisstjórnarinnar.
  • 25 hugmyndir snúast um að lækka eða afnema listamannalaun.
  • 20 hugmyndir snúast um að hætta við eða draga úr stuðningi við Borgarlínu.
  • 21 hugmynd snýst um rekstur ÁTVR og kaup ríkisins á áfengi fyrir veislur og viðburði.
  • 17 hugmyndir snúa að hælisleitendum.
  • 10 hugmyndir snúast um að slaufa aðild Íslands að NATO.

Það er ekki aðeins meðal tillagnanna sem má sjá endurtekningar, sumir höfundar hugmyndanna hafa sent oft inn í gáttina. Flestar hugmyndir sendi inn Þórný Alda Kristjánsdóttir, sem á níu hugmyndir og á eftir henni kemur Halldór Emilíuson, með átta hugmyndir.

Vill ekki starfshóp um tillögurnar

Á meðal þess sem almenningur stingur upp á er til dæmis að sekta Bjarna Benediktsson fyrir þann „skaða og það fjárhagslega tap sem þessi ólögmæta aðferð hans við söluna á Íslandsbanka kann að hafa haft á ríkissjóð.“

Einn maður leggur til að umhverfis- og loftslagsráðuneytið verði lagt niður og Ísland gangi út úr Parísarsáttmálanum. 

Nokkuð algengt er að fólk vilji að þingmenn úr kjördæmum á landsbyggðinni fái ekki búsetustyrki séu þeir til heimilis á höfuðborgarsvæðinu. 

„Mér finnst liggja ljóst fyrir að það þurfi að flytja ráðuneytin tvö sem eru í grobbhúsnæði Landsbankans í eitthvað annað ódýrara húsnæði og reyndar finnst mér að öll ráðuneyti eigi að vera í einu hagstæðu húsi, öll saman,“ skrifar Tryggvi Þórarinsson.

Kona ein stingur upp á að hætta eða minnka niðurgreiðslur á mjólkur- og kjötvörum, önnur vill láta sameina Sjúkratryggingar Íslands, Vinnumálastofnun og Tryggingastofnun í eina vinnu- og velferðarstofnun. 

Nokkrar hugmyndirnar lúta að því að fækka starfshópum og nefndum á vegum hins opinbera. Frímann Haukur Ómarsson kemur með þá forvirku sparnaðarhugmynd að „ekki verði stofnaður starfshópur til að fara yfir þær tillögur sem hér koma fram.“ 

Kjósa
19
Hvernig finnst þér þessi grein? Skráðu þig inn til að kjósa.

Athugasemdir

Skráðu þig inn til að skrifa athugasemd eða kjósa.
Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið

Mest lesið

Mest lesið í vikunni

Bannaður á leigubílastæðinu fyrir að leggja starfsfólk Isavia í einelti
2
Fréttir

Bann­að­ur á leigu­bíla­stæð­inu fyr­ir að leggja starfs­fólk Isa­via í einelti

Isa­via seg­ir leigu­bíl­stjóra, sér­stak­lega virk­an á sam­fé­lags­miðl­um, hafa lagt starfs­fólk flug­vall­ar­ins í einelti – með­al ann­ars með ásök­un­um í garð þess og nafn­birt­ing­um á net­inu. Hann hafi ver­ið sett­ur í ótíma­bund­ið bann vegna ógn­andi og óvið­eig­andi fram­komu. „Þetta er nátt­úr­lega óþægi­legt að mæta í vinn­una og verða svo fyr­ir áreiti,“ seg­ir einn starfs­mað­ur við Heim­ild­ina.

Mest lesið í mánuðinum

Hefði ekki dottið í hug að ráða sjálfan sig
2
Viðtal

Hefði ekki dott­ið í hug að ráða sjálf­an sig

Bogi Ág­ústs­son hef­ur birst lands­mönn­um á skján­um í yf­ir fjóra ára­tugi og flutt Ís­lend­ing­um frétt­ir í blíðu og stríðu. Hann seg­ir heim­inn hafa breyst ótrú­lega mik­ið til batn­að­ar á þess­um ár­um en því mið­ur halli á ógæfu­hlið­ina í rekstri fjöl­miðla á Ís­landi. Af öll­um þeim at­burð­um sem hann hef­ur sagt frétt­ir af lögð­ust snjóflóð­in fyr­ir vest­an ár­ið 1995 þyngst á hann. Enn þann dag í dag man hann hvernig var að þurfa að lesa upp nöfn þeirra sem dóu í flóð­inu á Flat­eyri.
„Ég var bara glæpamaður“
3
Viðtal

„Ég var bara glæpa­mað­ur“

„Margt af því sem ég hef gert mun ég aldrei geta bætt fyr­ir,“ seg­ir Kristján Hall­dór Jens­son, sem var dæmd­ur fyr­ir al­var­leg­ar lík­ams­árás­ir. Hann var mjög ung­ur að ár­um þeg­ar ljóst var í hvað stefndi og fann ekki leið­ina út fyrr en ára­tug­um síð­ar. Í dag fer hann inn í fang­els­in til þess að hjálpa öðr­um, en það er eina leið­in sem hann sér færa til þess að bæta fyr­ir eig­in brot.
Hver er Jón Óttar? - „Ég hef sjálfur fylgst með fólki mánuðum saman“
4
Fréttir

Hver er Jón Ótt­ar? - „Ég hef sjálf­ur fylgst með fólki mán­uð­um sam­an“

Jón Ótt­ar Ólafs­son, einn þeirra sem stund­aði njósn­ir fyr­ir Björgólf Thor Björgólfs­son ár­ið 2012, gaf út glæpa­sögu ári síð­ar þar sem að­al­sögu­hetj­an er lög­reglu­mað­ur sem stund­ar hler­an­ir. Jón Ótt­ar vann lengi fyr­ir Sam­herja, bæði á Ís­landi og í Namib­íu, en áð­ur hafi hann ver­ið kærð­ur af sér­stök­um sak­sókn­ara, sem hann starf­aði fyr­ir, vegna gruns um að stela gögn­um.
Bannaður á leigubílastæðinu fyrir að leggja starfsfólk Isavia í einelti
6
Fréttir

Bann­að­ur á leigu­bíla­stæð­inu fyr­ir að leggja starfs­fólk Isa­via í einelti

Isa­via seg­ir leigu­bíl­stjóra, sér­stak­lega virk­an á sam­fé­lags­miðl­um, hafa lagt starfs­fólk flug­vall­ar­ins í einelti – með­al ann­ars með ásök­un­um í garð þess og nafn­birt­ing­um á net­inu. Hann hafi ver­ið sett­ur í ótíma­bund­ið bann vegna ógn­andi og óvið­eig­andi fram­komu. „Þetta er nátt­úr­lega óþægi­legt að mæta í vinn­una og verða svo fyr­ir áreiti,“ seg­ir einn starfs­mað­ur við Heim­ild­ina.

Mest lesið í mánuðinum

Nýtt efni

Mest lesið undanfarið ár

Loka auglýsingu