Kristrún Frosta­dótt­ir, for­mað­ur Sam­fylk­ing­ar­inn­ar, hlaut stjórn­ar­mynd­un­ar­um­boð á Bessa­stöð­um í morg­un. Hún sagð­ist þá ætla að við­ræð­ur við Við­reisn og Flokk fólks­ins strax síð­ar í dag. 

Kristrún boð­aði þær Þorgerði Katrínu Gunn­ars­dóttur, for­mann Við­reisnar, og Ingu Sæland, for­mann Flokks fólks­ins, á fund sinn í dag vegna við­ræðn­anna og hófst hann klukkan þrjú í fund­ar­her­bergi for­sætis­nefndar Alþingis. Þær gáfu ekki kost á við­tali áður en fund­ur­inn hófst en munu ræða við blaða­menn að honum loknum. 

„Kristrún hefur tjáð mér að hún hafi nú þegar átt sam­töl við for­menn ann­arra flokka sem einnig hafa upp­lýst mig um að þeir séu reiðu­búnir til form­legra við­ræðna um myndun nýrrar rík­is­stjórnar með Sam­fylk­ing­unni,“ sagði Halla Tóm­as­dóttir, for­seti Íslands, við blaða­menn eftir fund sem hún átti með Kristrúnu á Bessa­stöðum í morgun þar sem hún fól henni stjórn­ar­mynd­un­ar­um­boðið.

Kristrún ræddi við blaða­menn á eftir for­set­anum og sagði að hennar mati og flestra ann­arra væru þrír flokkar sem hefðu náð hvað mestum árangri í kosn­ing­unum. „Það er Sam­fylk­ingin, Viðreisn og Flokkur fólks­ins. Ég ætla núna í kjöl­far þessa fundar að setja mig í sam­band við for­mann Við­reisnar og for­mann Flokks fólks­ins og boða þær á fund og í sam­tal núna, strax eftir hádegi til að ræða næstu skref. Ég held að það sé brýnt að við förum strax af stað í þessa vinnu.“

Kristrún bætti við að hún teldi lyk­il­at­riði hjá næstu rík­is­stjórn að halda efna­hags­mál­unum í festu. Tryggja þyrfti áfram­hald­andi lækkun vaxta og verð­bólgu. „Við þurfum að fara strax af stað og skapa festu.“