Þau hafa orðið nokkur áföllin í kosningabaráttu flokkanna, flest sem hafa bitnað á Samfylkingunni. Hæst reis hneyksli Þórðar Snæs Júlíussonar, frambjóðanda Samfylkingarinnar þegar hann tilkynnti að hann myndi ekki taka sæti á Alþingi næði hann kjöri eftir að gömul bloggskrif voru grafin upp úr undirdjúpum veraldarvefsins. Þá fór myndband af syni Jóns Gunnarssonar í umferð þar sem sonurinn sagði föður sinn ætla að heimila hvalveiðar á ný. Svo virðist sem hann hafi verið blekktur af njósnara í gervi svissnesks auðmanns.
Undarleg skilaboð birtust svo óvænt í íbúahópi á Facebook þar sem Kristrún Frostadóttir, formaður Samfylkingarinnar, hvatti forvitinn kjósanda til þess að strika Dag B. Eggertsson út af lista og bætti um betur og lýsti yfir óánægju með veru hans á listanum og klykkti út að hann væri lítið annað en aukaleikari í stóra planinu.
Dagur virðist hafa tekið Kristrúnu á orðinu og hvatti síðar alla Sjálfstæðismenn til þess að strika sig út af lista einnig. Framkvæmdastjóri Sjálfstæðisflokksins saup hveljur og Morgunblaðið veltir fyrir sér í frétt sem birtist í dag hvort grínið geti hreinlega verið lögbrot.
Þá eru óátalin furðumál eins og þegar Miðflokksmenn voru sakaðir um að haga sér eins og villingar í Verkmenntaskólanum á Akureyri (VMA) og var vísað á dyr. Eða hvað?
Kristrún fékk tölvupóst frá kjósanda sem sagðist hafa ætlað að kjósa Samfylkinguna en hætt við þegar í ljós kom að Dagur var á lista. Kristrún benti honum þá að þann möguleika að strika Dag út augljóslega í tilraun til koma í veg fyrir að hann hætti við að kjósa flokkinn. Einnig benti hún honum á að Dagur væri ekki ráðherraefni. Hefur hún eflaust haft í huga að oddvitar ættu meira tilkall til ráðherrastóla.
Ég sé satt að segja ekkert athugavert við þennan gang mála sérstaklega í ljósi þess að hér var um einkaskilaboð að ræða sem Kristrún hefur ekki reiknað með að kæmu fyrir almenningssjónir.
Hins vegar hef ég enga trú á að viðkomandi hafi nokkurn tímann ætlað að kjósa Samfylkinguna. Allavega er það skrítið að hættta stuðningi við flokk út af einum frambjóðanda sem er ekki oddviti neins kjördæmis sérstaklega þegar um er að ræða borgarfulltrúa sem í mörg ár var valinn vinsælasti borgarfulltrúinn og nú nýlega sá næstvinsælasti.
Ég held að þetta sé liður í ofsóknum skrímsladeildar Sjálfstæðisflokksins á hendur Degi. Þeir kenna Degi um að hafa haldið Sjálfstæðisflokknum frá völdum í borginni í mörg ár. Áður töldu þeir sig vera sjálfkjörna með meirihluta þar um ókomna framtíð. Sennilega stafa ofsóknirnar af hræðslu við að Dagur eigi eftir að hafa sömu áhrif í landsmálunum og hjá borginni og að Sjálfstæðisflokkurinn eigi sér því ekki viðreisnar von.
Umfjöllunin um 17-20 ára skrif Þórðar Snæs án þess að geta glæsilegs ferils hans eftir það var heldur ekki trúveðug. Almenningur virðist alls ekki hafa litið á þessi mál sem hneyksli enda er ekki að sjá i skoðanakönnunum að þau hafi haft nein áhrif á fylgið nema síður sé.
vellesandi.
Sjálfstæðisflokksins 🙃😉