Rán hefur á fáum árum stokkið fram í fremstu röð smiða og sagna­meist­ara mynd­frá­sagnar. Hún hlaut verð­laun Norð­ur­landa­ráðs 2023 fyrir bók sína Eldgos. Stafræn and­mæli hennar við kvía­eldi þutu um kerfin öll fyrir fáum mán­uðum og tætti með ein­földu mynd­máli rök fisk­eld­is­manna. Rán er ungur lista­maður og má því vænta að hún muni á kom­andi árum vera merki­leg við­bót við mynd­höf­unda okkar.

Rán semur í senn mynd og mál, tengir miðin saman og hefur næma til­finn­ingu fyrir þeim frá­sagn­ar­hætti sem henni er kær: sposk, mild sýn á fólk í fjöl­skyldum, börn og full­orðna, dýr og menn. Hún dregur í ein­földum fáum dráttum upp í stórum myndum kring­um­stæður og það sem mestu skiptir: skrifar inn í mynd­flöt­inn ein­falda lestexta í hástöfum sem bæta við mynd­ina og leiða sög­una áfram. Hún er hug­mynda­rík, hefur gott auga fyrir skop­legum smá­at­riðum sem kæta les­and­ann og stækka efnið í hverri mynd.