Heim­ildin fór í Kringl­una á dög­unum og spurði kjós­endur hvaða mál­efni brynnu á þeim í kom­andi alþing­is­kosn­ingum. Þá var fólk spurt hvort alþjóða­mál spil­uðu inn í val þeirra á flokki.

Húsnæðis- og efna­hags­mál voru oft­ast nefnd sem mik­il­væg­ustu kosn­inga­málin en nokkuð skiptar skoð­anir voru milli fólks hvort alþjóða­málin skiptu þau máli.

Ísland gæti þurft stuðning

Mynd: Heim­ildin

Að mati Sól­veigar Ásgríms­dóttur eru mik­il­væg­ustu kosn­inga­málin vel­ferð­ar­mál og það að „koma efna­hag lands­ins í lag“. Hún seg­ist aðspurð vera að hugsa um að kjósa Sam­fylk­ing­una.

Spurð hvort alþjóða­mál spili inn í ákvörðun hennar segir Sólveig að auð­vitað skipti alþjóða­málin máli. „Þau skipta máli vegna þess að við erum hluti af heim­inum. Og það sem ger­ist ann­ars staðar hefur áhrif hingað og við eigum að vera þátt­tak­endur.“

Meðal þess sem hún er að velta fyrir sér eru stríðin í Úkraínu, Afríku og Palest­ínu, ásamt kom­andi for­seta­kosn­ingum í Banda­ríkj­unum.

Er eitt­hvað sem þú vilt …