„Við í Sam­fylk­ing­unni viljum kosn­ingar sem fyrst og styðjum það að þing verði rofið. En það skiptir máli líka hvernig hlut­irnir eru gerðir, við þurfum að flýta okkur hægt í þess­ari stöðu,“ sagði Kristrún Frosta­dóttir, for­maður Sam­fylk­ingar, eftir fund sinn með for­seta Íslands, Höllu Tóm­as­dóttur. 

Halla tók í morgun á móti Bjarna Bene­dikts­syni, for­manni Sjálf­stæð­is­flokks­ins, á Bessa­stöðum sem kom til hennar með þá form­legu beiðni um að rjúfa þing. Því næst hófust fundir Höllu með for­mönnum ann­arra flokka á þingi, og fyrsti fund­ur­inn var með Kristrúnu. Þeir fundir fóru fram á skrif­stofum emb­ætt­is­ins á Sól­eyj­ar­götu. 

Starfsstjórn enn á umræðustigi

Í sam­tali við blaða­menn benti Kristrún á að for­sæt­is­ráð­herra hafi enn ekki beðist lausnar fyrir rík­is­stjórn­ina „og það þarf að ræða þann mögu­leika hvort eðli­legra sé að setja á starfs­stjórn í þess­ari stöðu, en þetta er eitt­hvað sem ennþá til umræðu á þessum tíma­punkti og ekk­ert meira um það að segja núna.“ Kristrún sagð­ist hafa gert for­seta grein fyrir þess­ari skoðun sinni. „Þetta er ennþá allt til umræðu. Þetta eru mikil tæki­færi núna fyrir þjóð­ina að fylkja sér á bak við stór­huga stjórn­mál og jákvæð stjórn­mál, við viljum þing­rof en næstu dagar skipta máli, formið skiptir máli og ég gerði for­seta grein fyrir því.“

Bjarni gagn­rýndi Kristrúnu nýverið, sagði að hún vildi hærri skatta, stærra ríki og milli­færslur. Spurð um þetta sagði hún við blaða­menn: „Við munum koma fram með okkar áherslur sem fyrst, fólk veit alveg hvar Sam­fylk­ingin stendur með ábyrga efna­hags­stjórn og sterka vel­ferð, en auð­vitað öfl­uga verð­mæta­sköpun líka, við munum án efa takast á, á næstu vikum, en ég hlakka bara til þess,“ segir Kristrún og vísar þar til vænt­an­legra átaka við núver­andi for­sæt­is­ráð­herra. 

Hissa á miklum ágreiningi

Þor­gerður Katrín Gunn­ars­dóttir, for­maður Við­reisnar, kom næst for­manna á fund for­seta. Hún ræddi við blaða­menn áður en hún hitti Höllu. 

Þor­gerður sagði að hennar skila­boð til for­seta væru að það þyrfti að kjósa sem fyrst, og að ekk­ert óeðli­legt sé að rík­is­stjórnin starfi fram að kosn­ingum - slíkt hafi gerst áður. „En það er skrýtið að sjá hvað það er mik­ill ágrein­ingur, þeirra er ábyrgðin og þeir verða að axla sína ábyrgð en ekki vera með ólund í garð hvers ann­ars, sem síðan bitnar á þjóð­inni,“ sagði hún.