Eiríkur Rafn Rafnsson er einn af þeim sem kvaðst hafa ekkert nema gott um störf sín fyrir Pírata að segja, en hann starfaði fyrir þingflokkinn í um fimm ár, frá upphafi árs 2017 og fram yfir kosningarnar árið 2021.

Hins vegar ber hann starfsaðstæðum á Alþingi ekki vel söguna og telur það ef til vill skýringu á að svo virðist sem fáir endist lengi í starfi.

„Ég held að það sé ekkert auðvelt að vinna á Alþingi og vandamálið liggi miklu frekar þar en hjá Pírötum sjálfum,“ segir Eiríkur Rafn og nefnir sem dæmi að stjórnarandstöðuflokkar í þinginu hafi litlar upplýsingar um það hvernig dagskrá þingstarfa verði fram í tíma.

„Það hvaða mál eru á dagskrá, það er bara eitthvað sem við fáum að vita á sama tíma og þið, þegar við sjáum þau á alþingi.is. Einstaka sinnum fáum við grófa …