Segja 37 lóupör missa kjörlendi sitt

„Í þessum tveimur verk­efnum verða áhrifin sam­an­lagt þau, til lengri tíma, að 284 hekt­arar af núver­andi mólendi muni klæð­ast skógi og þar með muni um það bil 37 pör af heið­lóum missa varp­kjör­lendi (0,011% íslenska stofns­ins) og eitt­hvað lægra hlut­fall af spóa­stofn­inum,“ segir meðal ann­ars í lög­fræði­á­liti sem Norð­ur­þing afl­aði vegna kæru sam­tak­anna Nátt­úru­griða á útgáfu fram­kvæmda­leyfa sveit­ar­fé­lags­ins til umfangs­mik­illar skóg­ræktar í landi Þverár og Saltvíkur.

Málið á upp­runa sinn í mik­illi gagn­rýni sem spratt fram er áber­andi rásir voru herf­aðar í mólendi utan við Húsavík til að und­ir­búa kolefn­is­bind­ing­ar­verk­efni einka­fyr­ir­tæk­is­ins Ygg­drags­ils Carbon. Fleiri slík eru á stefnu­skránni í sveit­ar­fé­lag­inu.

Var meðal ann­ars gagn­rýnt að með svo miklum breyt­ingum á landi myndi fugla­líf verða fyrir áhrifum. Lög­fræð­ingur Norð­ur­þings segir í grein­ar­gerð sinni að skóg­rækt­ar­verk­efnin muni hafa óveru­leg áhrif á heild­ar­stofna þeirra algengu fugla­teg­unda sem nýta svæðin í dag en að skógur skapi svo kjör­lendi fyrir aðrar fugla­teg­undir. Er nið­ur­staða álits­ins sú að sveit­ar­fé­lagið hafi á lög­mætan og mál­efna­legan hátt lagt mat á áhrif fram­kvæmd­anna á nátt­úru og dýra­líf.