Ný fram­kvæmda­stjórn Pírata var kjörin á aðal­fundi þeirra í Hörpu í dag. 19 manns voru í fram­boði og var fram­kvæmda­stjórnin, ef litið er til aðal­manna ein­ungis, end­ur­nýjuð að fullu.

Í til­kynn­ingu frá Pírötum kemur loka­nið­ur­staðan um kjör í fram­kvæmda­stjórn flokks­ins fram:

1. Halldór Auðar Svansson, for­maður fram­kvæmda­stjórn­ar­innar, fyrsti borg­ar­full­trúi Pírata, vara­þing­maður og for­rit­ari
2. Ugla Stefanía Krist­jönu­dóttir Jóns­dóttir, kynja­fræð­ingur og sér­fræð­ingur í mál­efnum hinsegin fólks.
3.  Þór­hildur Elín­ar­dóttir Magn­ús­dóttir, tóm­stunda- félags­mála­fræð­ingur
4.  Eva Sjöfn Helga­dóttir, sál­fræð­ingur og vara­þing­maður Pírata

Fram­kvæmda­stjórninFrá vinstri: Eva Sjöfn Helda­dóttir, Þór­hildur Elín­ar­dóttir Magn­ús­dóttir, Ugla Stefanía Krist­jönu­dóttir Jóns­dóttir og Halldór Auðar Svansson.

Þá voru Atli Stefán Yngvason við­skipta­fræð­ingur og Rúnar Björn Herrera Þor­kels­son, bar­áttu­maður fyrir hags­munum fatl­aðs fólks, kjörnir vara­menn en Haukur Viðar Alfreðs­son verður gjald­keri flokks­ins. Rúnar og Atli voru báðir í fyrri fram­kvæmda­stjórn.

Jöfn skipt­ingHér má sjá að atkvæði til aðal­manna í fram­kvæmda­stjórn skipt­ust nokkuð jafnt.