Vísitala neysluverðs hækkar um 0,48 prósent milli mánaða. Tólf mánaða verðbólga mælist hins vegar 5,8 prósent og hefur lækkað um 0,5 prósentustig milli mánaða. Verðbólga var síðast undir sex prósentum í janúar 2022. 

Í tilkynningu á vef Hagstofunnar kemur fram að kostnaður vegna búsetu í eigin húsnæði hafi hækkað um 0,8 prósent milli mánaða, flugfargjöld til útlanda um átta prósent og verða á hótelum og veitingastöðum hækkaði um 2,1 prósent. Stóran hluta af þeirri hækkun má rekja til hækkunar á gistingu um 17,0 prósent. 

Aðferð húsaleiguígilda tekin upp

Þetta er í fyrsta sinn sem Hagstofan reiknar húsaleigu með aðferð húsaleiguígilda. Útreikningar á útgjöldum tengd­um hús­næði í verð­lags­vísi­tölu Hag­stof­unn­ar taka nú mið af leigu­verði. Fyrri að­ferð­ir studd­ust við gögn um kostn­að þess að búa í eig­in hús­næði.