Pítsurnar standa fyrir sínu

Blaða­maður Heim­ild­ar­innar spurði gang­andi veg­far­endur í miðbæ Reykja­víkur um afstöðu þeirra til Domino's og af hverju þessi skyndi­biti nýtur svona gríð­ar­legra vin­sælda á Íslandi. Við­mæl­end­urnir höfðu allir lagt það í vana sinn að borða pít­s­urnar ein­hvern tíma á lífs­leið­inni og voru sam­mála um að þær væru nokkuð góðar. 

Tilboðin góð til að fæða marga munna

Þor­steinn Har­alds­son giskar á að hann fái sér Domino's á um 10 daga fresti. Hann segir það yfir­leitt tengj­ast börn­unum sínum svo Meat and Cheese og Hawaii verði oft­ast fyrir val­inu. Spurður hvað honum finn­ist um pít­s­urnar segir Þor­steinn þær bara mjög góðar, þær séu ágætar fjöl­skyldu­pít­sur.

Af hverju held­urðu að þetta sé vin­sæl­asti skyndi­bit­inn á Íslandi?

„Ég held það sé nú einmitt út af því það er hægt að fá ágætis til­boð. Ég held að flestir nýti sér það sem þurfa að fæða marga munna.“

Hefur prófað allan matseðilinn

Starri Reyn­is­son giskar á að hann borði pít­sur frá Domino's á um tveggja vikna fresti. Hann segir það mjög breyti­legt hvað hann fái sér á þær og kveðst dug­legur í til­rauna­starf­sem­inni. „Yfir­leitt panta ég nú eitt­hvað af mat­seðli.“ Hann telur þó að hann hafi smakkað liggur við allan mat­seð­il­inn. Aðspurður segir Starri að pít­s­urnar standi yfir­leitt fyrir sínu. „Þetta er ekki það besta sem maður fær en alltaf nokkuð solid.“

Starri telur að gríð­ar­legar vin­sældir pítsanna stafi af því hvað gæð­ara­mm­inn er þröngur hjá Domino's. Fólk viti alveg að hverju það sé að ganga. „Ef maður pantar ann­ars staðar frá þá kannski fær maður eitt­hvað geggjað en mögu­lega er meiri áhætta. Maður getur líka fengið eitt­hvað veru­lega slakt.“

Botninn aðeins of þykkur

Ingi­björg Ein­ars­dóttir seg­ist borða Domino's sjaldnar en hún gerði fyrir 20 árum, en þá fékk sér hún þær á hverjum föstu­degi. Hún fær sér gjarnan ananas, skinku, sveppi og kannski æti­þistla á þær. Ingi­björg kveðst hafa enga skoðun á pít­s­unum sjálfum, en við­ur­kennir að henni þyki botn­inn aðeins of þykkur á þeim.

„Ég hef aldrei velt því fyrir mér, ég ætla ekki að reyna að svara því,“ segir hún þegar hún er spurð af hverju pít­s­urnar njóti svona mik­illa vin­sælda á Íslandi.

Telur vinsældirnar stafa af hjarðhegðun

Árni Ing­ólfs­son seg­ist hafa slitið við­skiptum sínum við Domino's fyrir um tveimur árum, sökum þess að fyr­ir­tækið tekur ekki við reiðufé. Honum þyki pít­s­urnar þó alveg frá­bærar. Hann er vegan og fékk sér því svartar ólífur, papriku og þistil­hjörtu á þær.

Spurður af hverju hann telji Domino's vera vin­sælasta skyndi­bit­ann segir Árni að hann haldi að það skrif­ist á hjarð­hegðun. Þær séu oft pant­aðar á vinnu­stöðum til dæmis. „Þetta er ekk­ert ósvipað og það að láta sprauta sig í Laug­ar­dals­höll. Hjarð­hegð­unin er svo rík í fólki,“ segir hann. 

Domino's ❤️

Eitt er víst að Domino's virð­ist eiga sér­stakan sess í hjörtum lands­manna og virð­ist sú vænt­um­þykja vera gagn­kvæm, líkt og sjá má á með­fylgj­andi mynd­bandi sem Marteinn Elí Brynj­ólfs­son tók.