Svandís snýr aftur til starfa á morgun

Svan­dís Svav­ars­dóttir mat­væla­ráð­herra hefur greint frá því í færslu á Facebook að hún muni snúa aftur til starfa á morgun, mið­viku­dag, eftir veik­inda­leyfi. „Með­ferðin hefur gengið afbragðs vel, horfur góðar og mér líður vel. Framundan er eft­ir­lit og eft­ir­fylgni, bjart­sýni og full­vissa um bjart­ari tíð. Ég er þakk­lát fyrir allar kveðj­urnar, hlýj­una og góðar óskir og hlakka til verk­efn­anna framundan!“

Svandís Svav­ars­dóttir til­kynnti að hún væri komin leyfi frá störfum sam­kvæmt lækn­is­ráði 22. jan­úar síð­ast­lið­inn. Hún greindi líka frá því í færslu á Facebook þar sem stóð: 

„Frá og með deg­inum í dag verð ég í veik­inda­leyfi að lækn­is­ráði. „Í morgun fékk ég stað­festa grein­ingu á krabba­meini í brjósti og mun gang­ast undir aðgerð og við­eig­andi með­ferð á næstu vikum,“ skrifar Svandís.

„Ég geng upp­rétt til móts við þetta stóra verk­efni, æðru­laus og bjart­sýn. Allir mínir kraftar munu fara í það með fólkið mitt mér við hlið.“

Skömmu síðar var greint frá því að Katrín Jak­obs­dóttir for­sætsi­ráð­herra myndi sinna störfum Svan­dísar í fjar­veru hennar, en mikið er skegg­rætt um það nú hvort Katrín ætli sér að bjóða sig fram til for­seta í kom­andi for­seta­kosn­ingum, sem fram fara 1. júní næst­kom­andi. 

Gustað hafði um Svandísi í rík­is­stjórn vik­urnar á undan því að hún til­kynnti um veik­inda­leyfið og hafði Inga Sæland, for­maður Flokks fólks­ins, boðað að hún myndi leggja fram van­traust­s­til­lögu á Svandísi þann sama dag. Tillagan var birt á vef þings­ins um það bil tutt­ugu mín­útum áður en Svandís greindi opin­ber­lega frá leyf­inu. Að til­lög­unni stóð allur þing­flokkur Flokks fólks­ins. Hætt var við fram­lagn­ingu hennar eftir að Svandís greindi frá veik­indum sínum en Inga Sæland hefur boðað að hún verði lögð fram að nýju þegar Svandís snýr aftur til starfa. Standi það gæti til­lagan verið lögð fram í næstu viku.