Það er margt sem bendir til þess að jarð­hrær­ing­arnar sem nú eiga sér stað norðan Grinda­víkur séu mjög áþekkar þeim atburðum sem urðu á sama stað fyrir um 2400 árum, að mati Ólafs Flóvenz, jarð­eðl­is­fræð­ings og fyrr­ver­andi for­stjóra ÍSOR. „Þá mynd­að­ist sigdalur í gegnum Grinda­vík og all­stór eld­gos urðu sem mynd­uðu Sund­hnúks­gíga­röð­ina og víð­áttu­mikla hraun­breiðu. Hraunið rann m.a. eftir sigdalnum til sjávar í Grinda­vík og langt norður fyrir Stóra-Skógfell,“ skrifar Ólafur í færslu á Facebook-síðu sinni.

Í færsl­unni, sem má sjá hér að neðan, birtir Ólafur mynd sem hann tók ofan af Þorbirni sum­arið 2020, yfir svæðið sem nú er að gjósa á. Á mynd­inni sést hluti af Sund­hnúks­gíga­röð­inni austur af Sýl­inga­felli „en einmitt þar er eld­gosið núna og virð­ist vera að mynda aðra eins gíga­röð á þessum slóðum,“ skrifar Ólafur. Í bak­sýn sést Fagra­dals­fjall og norður af því hin mikla dyngja, Þrá­ins­skjöldur. Hún mynd­að­ist í lok ísaldar fyrir um …