„Heil­brigð­is­eft­ir­litið lítur svo að opnun Grinda­víkur í gær sé hugsuð til að gefa íbúum og fyr­ir­tækjum mögu­leika á að huga að eigum sínum og að fyr­ir­tæki geti und­ir­búið starf­semi,“ segir Ásmundur E Þor­kels­son, fram­kvæmda­stjóri Heil­brigð­is­eft­ir­lits Suð­ur­nesja.  „Varla er von á víð­tækri búsetu við núver­andi aðstæður, enda ber ákvörðun lög­reglu­stjóra Suð­ur­nesja með sér að ýmsir ann­markar séu á búset­unni og vissum hópum ráðið frá henni.“  

Í Grinda­vík er ekk­ert kalt vatn og veru­legur skortur á heitu vatni. Ásmundur segir að  sam­kvæmt upp­lýs­ingum sem hann hafi aflað sé stefnt að opnun vatns­veitu í áföngum næstu daga. Þá sé frá­veita talin ósködduð og vel not­hæf í nokkrum hlutum bæj­ar­ins. „Heil­brigð­is­eft­ir­lit­inu er ekki kunn­ugt um að starf­semi á starfs­sviði emb­ætt­is­ins svo sem veit­inga­þjón­usta, gisti­rekstur, skólar, dval­ar­heim­ili fari fram á þeim svæðum þar sem vatns- og frá­veitu nýtur ekki við.“

Heim­ildin leit­aði til Ásmundar vegna hinna lösk­uðu inn­viða og þeirra tíð­inda að Grind­vík­ingum og þeim sem reka fyr­ir­tæki sé nú heim­ilt að dvelja í Grinda­vík allan sól­ar­hring­inn. Ann­mark­arnir sem lög­reglu­stjór­inn árétt­aði í til­kynn­ingu sinni um þessa opnun, og Ásmundur vísa til, snúa fyrst og fremst að þeim hættum sem geta leynst í bænum. Þar er fjöldi sprunga, margar djúpar og ekki allar aug­ljósar á yfir­borði. Lög­reglu­stjór­inn ráðið fólki frá því að dvelja í bænum allan sól­ar­hring­inn og sagt að Grinda­vík sé ekki staður fyrir börn.  

En er heim­ilt sam­kvæmt lögum og reglum um t.d. holl­ustu­hætti að dvelja og starfa í Grinda­vík við þær aðstæður sem eru uppi, þ.e. ekk­ert neyslu­vatn er til­tækt og heitt vatn af skornum skammti?

„Það er ekk­ert í holl­ustu­hátta­lög­unum sem tekur á búsetu,“ svarar Ásmundur.  „Lögin fjalla fyrst og fremst um hvernig tekið er á mengun frá ýmis konar starf­semi og hvernig holl­ustu­hættir eru tryggðir í þjón­ustu­starf­semi af ýmsum toga.“ 

Svo slæmt er ástandið í augna­blik­inu að fólk getur ekki notað sal­erni í húsum sínum og ekki hækkað í ofnum svo hiti inn­an­dyra er jafn­vel aðeins rétt yfir frost­marki. „Lög­gjöfin tekur að afar tak­mörk­uðu leyti á því hvernig aðbún­aður fólks er á einka­heim­ilum,“ segir Ásmundur. „Ekki verður séð að tíma­bundið vatns­leysi gangi gegn lög­gjöf­inni þó slíkt ástand geri fólki aug­ljós­lega erfitt um vik.“

Munu sinna eftirliti

Ef ætl­unin sé að nota hús­næði fyrir leyf­is­skylda starf­semi s.s. fyrir hótel, dval­ar­heim­ili, fang­elsi, leik­skóla eða sam­bæri­legt, þá gæti langvar­andi skortur á hús­hitun stang­ast á við fyrr­nefnd lög, að sögn Ásmundar. Hann bendir þó á að hægt sé að hita hús með öðrum leiðum en heitu vatni, s.s. Með raf­hitun, jafn­vel með aðkomu raf­stöðva, ef raf­veitan annar ekki þeirri þörf.

„Verksvið heil­brigð­is­nefnda er fyrst og fremst ákveðið í lögum um holl­ustu­hætti og meng­un­ar­varnir og lögum um mat­væli og felst í leyf­is­veit­ingum og eft­ir­liti með starf­semi sem fellur undir þessa lög­gjöf,“ segir Ásmundur. „Eftir sem áður verður fylgst með þeirri starf­semi sem fellur undir starfs­svið heil­brigð­is­nefndar eftir því sem slík starf­semi kann að hefj­ast á ný í Grinda­vík.“