Þessi grein birtist fyrir meira en ári.

Bankastjórinn með 5,5 milljónir og bankaráðsformaðurinn með 1,7 milljónir á mánuði

Laun banka­stjóra Lands­bank­ans hækk­uðu um 370 þús­und krón­ur að með­al­tali á mán­uði í fyrra. Laun og hlunn­indi for­manns banka­ráðs hækk­uðu um 21 pró­sent milli ára.

Bankastjórinn með 5,5 milljónir og bankaráðsformaðurinn með 1,7 milljónir á mánuði
Hærri laun Lilja Björk Einarsdóttir er bankastjóri Landsbankans og Helga Björk Eiríksdóttir er bankaráðsformaður hans. Eigandi bankans er að uppistöðu ríkissjóður Íslands. Mynd: Heimildin / TDV

Laun og hlunnindi bankaráðsmanna, bankastjóra, framkvæmdastjóra og lykilstarfsmanna Landsbankans, að meðtöldu mótframlagi í lífeyrissjóði, aukast verulega á milli ára. 

Árið 2022 námu greiðslur til hópsins sem skilgreindur er með þessum hætti 446 milljónum króna en heildargreiðslurnar í fyrra voru 572 milljónir króna, eða 126 milljónum krónum hærri. Það er aukning á kostnaði vegna þessa hóps upp á 28,2 prósent. Í ársreikningi Landsbankans vegna síðasta árs, sem var birtur í gær, má sjá að við bætast þrír ónafngreindir einstaklingar í hópinn, einn fyrrverandi lykilstarfsmaður og tveir lykilstarfsmenn. Viðbótarkostnaður vegna þeirra á síðasta ári var 89,3 milljónir króna. 

„Meðalmánaðarlaun hennar hækkuðu um 370 þúsund krónur á mánuði milli ára, og heildarlaunin á árinu um 4,4 milljónir króna“
Laun Lilju Bjarkar Einarsdóttir, bankastjóra Landsbankans
Upplýsingar úr ársreikningi Landsbankans 2023.

Eftir standa því 36,8 milljónir króna sem laun, hlunnindi og lífeyrissjóðsgreiðslur þeirra 17 bankaráðsmanna og stjórnenda sem störfuðu hjá bankanum 2022 og 2023, hækkuðu um á milli ára. 

Launaskrið hjá formanni bankaráðs

Bankastjórinn Lilja Björk Einarsdóttir er launahæsti starfsmaður bankans með 66 milljónir króna í laun, hlunnindi og mótframlag í lífeyrissjóð, en það felur bæði í sér framlag í séreignasjóð og lögbundið mótframlag í sameignarsjóð. Það þýðir að Lilja var með 5,5 milljónir króna í laun að meðaltali á mánuði á árinu 2023. 

Meðalmánaðarlaun hennar hækkuðu um 370 þúsund krónur á mánuði milli ára, og heildarlaunin á árinu um 4,4 milljónir króna. Sú sem fékk mestu launahækkunina var hins vegar Helga Björk Eiríksdóttir, formaður bankaráðs Landsbankans og formaður starfskjaranefndar bankans. Laun hennar og hlunnindi hækkuðu um 21 prósent milli ára og voru 1,5 milljónir króna á mánuði. Til viðbótar fékk hún mótframlag í lífeyrissjóði upp á 1,9 milljónir króna á síðasta ári sem þýðir að meðallaun í heild á mánuði voru tæplega 1,7 milljónir króna. 

Alls hækkuðu greiðslur til bankaráðsins og tveggja varamanna í því, samtals níu manns, um 6,9 milljónir króna. Af þeirri upphæð fór 46 prósent til Helgu Bjarkar.

Landsbankinn er að nánast öllu leyti í eigu íslenska ríkisins og bankaráðsmenn því fulltrúar þess. Landsbankinn hagnaðist um 33,2 milljarða króna á síðasta ári og ætlar að greiða um helming þess hagnaðar, alls 16,5 milljarða króna, út í arð til hluthafa bankans.

Kjósa
21
Hvernig finnst þér þessi grein? Skráðu þig inn til að kjósa.

Athugasemdir (6)

Skráðu þig inn til að skrifa athugasemd eða kjósa.
  • kolbrún Engilbertsdóttir skrifaði
    Púúúf......svo standa menn í stormi í karphúsinu að reyna að fá 20 þús hækkun á mánaði fyrir þá lægst launuðu, hvað er eiginlega í gangi hérna?
    0
  • Anna Á. skrifaði
    SA hefur engar athugasemdir við þessar ofurhækkanir en segir nei við að launaþrællinn fái hækkun upp á um 26 þúsund kr á mánuði.
    0
  • VSE
    Virgil Scheving Einarsson skrifaði
    Þetta er til mikilar skammar, það er mikið að a Islandi, Ofurlaun fyrir kvað. Binda þarf laun þessa folks með lögum. Þetta er Þjofnaður um miðjan dag Svona Glæpa Bullur þarf að Sniðganga. Annars lata Islendingar altt yfir sig GANGA.
    4
  • Gunnar Björgvinsson skrifaði
    Mér finnst að einhver ætti að segja af sér vegna þessa.
    0
  • ADA
    Anna Dóra Antonsdóttir skrifaði
    Jasvo, þetta eru býsna stórar sneiðar af kökunni sem er ætluð okkur öllum.
    3
  • Gunnar Björgvinsson skrifaði
    Um laun, arðgreiðslur og skatta:

    Það er örugglega gaman fyrir suma að hafa ofurlaun og líka fyrir aðra að hafa háar arðgreiðslur, en hafa ber í huga að kakan er bara ákveðið stór hvort sem er hjá einkafyrirtækjum eða hjá ríkinu og ef sumir taka "ofursneiðar" þá er bara minna til skiptanna fyrir hina. Auk þess verður varan sem fyrirtækið framleiðir að vera dýrari fyrir vikið sem bitnar á neytendum eða skattgreiðendum.Ég heyrði um daginn stungið uppá að hæstu laun væru fjórföld lágmarkslaun, mér finnst það ekki slæm hugmynd í ljósi þess að öll störf eru mikilvæg og að sanngirni sé gætt. Það þyrfti þá að koma betur til móts við námsmenn þ.a. námslánin séu að meiru leiti styrkur en lán, þ.a. fólk tapaði ekki á að mennta sig. En þar sem sumir taka stærri sneiðar af kökunni en aðrir (og sumir raunar mun meira en þeir hafa nokkurn tíma þörf fyrir) þá finnst mér sanngjarnt að þeir leggi meira til svo sanngirni sé gætt.
    7
Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið

Indriði Þorláksson
1
Pistill

Indriði Þorláksson

Veiði­gjöld, hagn­að­ur og raun­veru­leg af­koma

Sam­tök fyr­ir­tækja í sjáv­ar­út­vegi hafa mót­mælt hækk­un veiði­gjalda með röng­um for­send­um og áróðri. Al­menn­ing­ur styð­ur hins veg­ar að hlut­ur þjóð­ar­inn­ar í arði af fisk­veiðiauð­lind­inni verði auk­inn. Reikn­uð auð­lindar­enta end­ur­spegl­ar raun­veru­lega af­komu bet­ur en bók­halds­leg­ur hagn­að­ur, sem get­ur ver­ið skekkt­ur með reikn­ings­færsl­um og eigna­tengsl­um.

Mest lesið

Mest lesið í vikunni

Indriði Þorláksson
3
Pistill

Indriði Þorláksson

Veiði­gjöld, hagn­að­ur og raun­veru­leg af­koma

Sam­tök fyr­ir­tækja í sjáv­ar­út­vegi hafa mót­mælt hækk­un veiði­gjalda með röng­um for­send­um og áróðri. Al­menn­ing­ur styð­ur hins veg­ar að hlut­ur þjóð­ar­inn­ar í arði af fisk­veiðiauð­lind­inni verði auk­inn. Reikn­uð auð­lindar­enta end­ur­spegl­ar raun­veru­lega af­komu bet­ur en bók­halds­leg­ur hagn­að­ur, sem get­ur ver­ið skekkt­ur með reikn­ings­færsl­um og eigna­tengsl­um.

Mest lesið í mánuðinum

Forsprakki útifundar játaði fjárdrátt á leikskólanum Klettaborg
2
Fréttir

Forsprakki úti­fund­ar ját­aði fjár­drátt á leik­skól­an­um Kletta­borg

Sig­fús Að­al­steins­son, stofn­andi hóps­ins Ís­land - þvert á flokka, sem stend­ur fyr­ir úti­fund­um um hæl­is­leit­end­ur, ját­aði á sig fjár­drátt frá leik­skól­an­um Kletta­borg þeg­ar hann var for­stöðu­mað­ur þar. Hann vill ekki dæma hvort brot af því tagi séu nógu al­var­leg til að inn­flytj­end­ur sem gerð­ust sek­ir um þau ætti að senda úr landi.
Drengir kvörtuðu undan kennara og var meinað að sitja kennslustundir
6
Úttekt

Dreng­ir kvört­uðu und­an kenn­ara og var mein­að að sitja kennslu­stund­ir

Tólf ára gaml­ir dreng­ir leit­uðu til skóla­stjóra vegna meints of­beld­is af hálfu kenn­ara. Í kjöl­far­ið var þeim mein­að að sitja kennslu­stund­ir hjá kenn­ar­an­um. Ann­ar baðst af­sök­un­ar eft­ir tvær vik­ur og fékk þá að koma aft­ur í tíma. Hinn sætti út­skúf­un í tvo mán­uði, áð­ur en skól­an­um var gert að taka dreng­inn aft­ur inn í tíma. For­eldr­ar drengs­ins segja kerf­ið hafa brugð­ist barn­inu og leit­uðu að lok­um til lög­reglu.

Mest lesið í mánuðinum

Nýtt efni

Mest lesið undanfarið ár