Vindur fór í 28 m/s í hviðum í Reykjavík

Vind­ur úr vestri hef­ur far­ið á ógn­ar­hraða yf­ir suð­vest­ur­horn lands­ins síð­ustu klukku­stund­ir. Vind­hvið­ur hafa far­ið í 28 m/s í Reykja­vík og tíu metr­um bet­ur við Reykja­nes­vita. All­ar helstu meg­in­leið­ir að höf­uð­borg­ar­svæð­inu voru lok­að­ar um tíma.

Vindur fór í 28 m/s í hviðum í Reykjavík
Blint Íbúar höfuðborgarsvæðisins hafa fengið að finna fyrir vetrarveðri í dag. Færð hefur spillst víða, aðallega í efri byggðum en fá ef nokkur útköll hafa verið vegna veðursins hjá björgunarsveitunum. Mynd: Lögreglan á höfuðborgarsvæðinu

Svo virðist sem veðurspár hafi gengið eftir á suðvesturhluta landsins og gott betur. Spáð var 15-20 metra vindhraða á sekúndu og raungerðist það víða. Þannig fóru hviður í Reykjavík í 28 m/s á mælum Veðurstofunnar milli kl. 14 og 15 í dag. Meðalvindur var þá um 17-18 m/s.

Mestur vindur á láglendi hafði kl. 16.00 í dag mælst við Reykjanesvita. Þar var meðalvindur 28 m/s og allt upp í 38 metra í hviðum. Litlu minni vindur mældist á Stórhöfða í Vestmannaeyjum og á Fróðárheiði á Snæfellsnesi. Um óyfirfarnar frumniðurstöður á vef Veðurstofu er að ræða. 

Um tíma voru allar helstu leiðir til og frá höfuðborgarsvæðinu lokaðar, m.a. Hellisheiði, Kjalarnes Mosfellsheiði og Reykjanesbraut. Sú síðastnefnda var opnuð á ný síðdegis en þar er enn stórhríð og snjóþekja, segir á kortum Vegagerðarinnar. Þar má líka sjá að 28 m/s vindur mældist í hviðum á Miðbakkanum í Reykjavík í dag.

Veðrið á að ganga niður á höfuðborgarsvæðinu um kl. 17.30 og verður gulri viðvörun Veðurstofunnar þá aflétt. Á Suðurlandi er varað við dimmum éljum og skafrenningi með lélegu skyggni fram á kvöld.  

Kjósa
5
Hvernig finnst þér þessi grein? Skráðu þig inn til að kjósa.

Athugasemdir

Skráðu þig inn til að skrifa athugasemd eða kjósa.
Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið

Sautján hætt ári eftir framkvæmdastjóraskipti
4
Innlent

Sautján hætt ári eft­ir fram­kvæmda­stjóra­skipti

Nokkr­ir starfs­menn Sól­heima í Gríms­nesi hafa lýst yf­ir óánægju með stjórn­ar­hætti síð­an fram­kvæmda­stjóra var skipt út fyr­ir ári og nokk­ur fjöldi hef­ur sagt skil­ið við stað­inn. „Það er bara skelfi­legt ástand,“ seg­ir starfs­mað­ur um breyt­ing­una á starfs­anda. Stjórn­ar­formað­ur Sól­heima seg­ir hins veg­ar mikla ánægju með rekst­ur­inn og starfs­manna­velt­una ekki óeðli­lega.

Mest lesið

Mest lesið í vikunni

Mest lesið í mánuðinum

Mest lesið í mánuðinum

Nýtt efni

Mest lesið undanfarið ár