Þessi grein birtist fyrir meira en ári.

„Þarf bara að sýna fram á að þetta sé hægt“

Fyr­ir­tæk­ið 3D lausn­ir vill bjóða upp á sér­hæfð­ar lausn­ir með þrívídd­ar­prent­un. Það vinn­ur að rann­sókn­um á því að þróa steypu til að not­ast við í slíkri prent­un. Þeir sem standa að 3D von­ast til þess að lausn­in muni geta nýst í bygg­ingar­iðn­aði.

„Þarf bara að sýna fram á að þetta sé hægt“
Þrívíddarprentuð steypa „Við erum alls ekki að huga að því að búa til byggingarfyrirtæki, heldur að þjónusta sérhæfðar lausnir,“ segir Jón Þór Sigurðsson, annar stofnenda 3D lausna. Fyrirtækið var hlutskarpast á lokakvöldi Startup Storms nýverið. Mynd: ÚR VÖR

Fyrirtækið 3D lausnir, sem félagarnir Jón Þór Sigurðsson og Arnar Þór Hannesson standa að baki, var hlutskarpast á lokakvöldi viðskiptahraðalsins Startup Stormur sem haldið var á vegum Norðanáttar í lok nóvembermánaðar síðastliðins. Á lokakvöldi hraðalsins fengu dómnefnd og gestir í sal að kjósa um besta verkefnið og bar 3D lausnir sigur úr býtum og vann verðlaunafé, auk þess sem verkefnið fékk líka styrk líkt og önnur verkefni sem tóku þátt í hraðlinum.

Jón Þór segir að styrkurinn, auk verðlaunanna, sé góð viðurkenning og mun það koma sér afar vel í þeirri rannsóknarvinnu sem þeir leggja stund á þessa dagana. Rannsóknarvinnan gengur út á að þróa steypu út frá hringrásar- og náttúrulegum efnum til að notast við í þrívíddarprentun. „Til lengri tíma vonast maður til að þetta geti verið nýtt til dæmis í byggingariðnaðinum. Hringrásarpælingin kom til því við erum í óformlegu samstarfi við PCC BakkiSilikon verksmiðjuna á Húsavík og við höfum verið að skoða möguleika á að nýta affallsefni frá þeim í steypuna, þannig notum við aftur efni sem annars færi til spillis og er þetta því umhverfisvæn aðferð. Fyrsta skrefið í þessu verkefni okkar er að þróa steypuna, því maður getur ekki notað venjulega steypu í þrívíddarprentun og skref númer tvö væri að prufukeyra svo umrædda steypu með því að prenta með henni,“ segir Jón Þór.

Hugmynd frá Tékklandi

Að sögn Jóns kviknaði hugmynd þeirra Arnars eftir að hafa fylgst með velgengni fyrirtækisins 4D Print í Tékklandi, en fyrrverandi skólabróðir Jóns á og rekur það. „Félagi minn, Luai Kurdi, sem ég gerði lokaverkefni mitt með í mastersnámi í Barcelona, rekur þetta fyrirtæki í Tékklandi og hefur verið að þróa sinn búnað í mörg ár. Þetta lítur virkilega spennandi út og svona þrívíddarprentun er í stórri sókn í Evrópu og er nánast komið út um allan heim.“

Tékkneskt hugvit Luai Kurdi á þrívíddarpentuðum stól.

Luai Kurdi byrjaði að þjónusta önnur fyrirtæki en er með sitt eigið núna og sérhæfir sig aðallega í dag í að setja upp slíkan búnað fyrir aðra. Jón segir að hann hafi verið í sambandi við hann um að koma að því verkefni. „Það væri afar gott fyrir okkur til þess að losna við auka fimm ára rannsóknarferli, en með því að vera með honum í liði þá gætum við náð þessu fljótt. En fyrsta skrefið er að búa til stóra útgáfu af þrívíddarprentara til að gera tilraunir með steypuna og búnaðinn, prentara sem væri um það bil 1,5 metrar á breidd. Það væri reyndar gaman að nota búnaðinn sem Luai Kurdi notar í Tékklandi, en hann notar véltjakk til að stjórna prenthreyfingunum, notast við stóra og mikla græju og hefur til að mynda þrívíddarprentað heilt hús í Dúbaí. En hans búnaður kostar svona 30 til 40 milljónir króna þannig að það er ekki alveg raunhæft, við munum bara fara hægt af stað,“ segir Jón Þór og hlær. 

Hafa verið í sambandi við fyrirtæki

Þeir Jón Þór og Arnar Þór eru báðir búsettir á Norðurlandi og mynda gott teymi, en Jón kláraði mastersnám í stafrænum arkitektúr og framsækinni hönnun og Arnar lærði málmtækni og hefur unnið með vélbúnað upp á síðkastið. Þeir vonast eftir að fá styrk næst frá Rannís og eru að vinna í þeirri umsókn, en það myndi hleypa þeim vel af stað í þeirra rannsóknarferli. Það ríkir ákveðin bjartsýni hjá þeim að koma hugmyndinni af stað og segir Jón að áhugi sé fyrir þessari hugmynd hérlendis, en enginn annar hafi verið að gera þetta markvisst, þó tilraunir hafi verið gerðar í einhverjum nýsköpunarmiðstöðvum. 

„þá getur maður prentað með 55% minna magni af steypu en með hefðbundinni steypuaðferð“

„Það þarf bara að sýna fram á að þetta sé hægt og gera tilraunir með þetta. Stóri parturinn varðandi þetta, ef maður ber saman venjulegan vegg, þá getur maður prentað með 55% minna magni af steypu en með hefðbundinni steypuaðferð. Maður getur skilið eftir holrými og sett einangrun þar inn í til dæmis. Við höfum verið í sambandi við ýmis fyrirtæki í byggingariðnaðinum og með tímanum gæti þetta verið nýtt þar með ákveðnum reglugerðum. En svo er líka hægt að nota þetta í ýmsa vörugerð og einnig í listageiranum, til dæmis í skúlptúrgerð og ýmislegt. Við erum alls ekki að huga að því að búa til byggingarfyrirtæki, heldur að þjónusta sérhæfðar lausnir. Tökum sem dæmi að við værum að þjónusta fyrirtæki sem væri að byggja verslun, þá myndum við auðvitað ekki taka að okkur að þrívíddarprenta heila verslun, heldur bara taka einn vegg fyrir í einu. Möguleikarnir eru miklir og við erum virkilega spenntir fyrir framhaldinu,“ segir Jón Þór að lokum og heyra má tilhlökkunina fyrir verkefninu í rödd hans. 


Kjósa
2
Hvernig finnst þér þessi grein? Skráðu þig inn til að kjósa.

Athugasemdir

Skráðu þig inn til að skrifa athugasemd eða kjósa.
Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið

Júlía Margrét Alexandersdóttir
2
Það sem ég hef lært

Júlía Margrét Alexandersdóttir

Ekki hlusta á allt sem heil­inn seg­ir þér

Júlía Mar­grét Al­ex­and­ers­dótt­ir hef­ur lif­að með geð­hvörf­um í 15 ár. Hún hef­ur kljáðst við dekksta lit þung­lynd­is og fund­ið fyr­ir und­ur­vellíð­an í man­íu. Í ferl­inu hef­ur Júlía lært að stund­um á hvorki hjart­að né heil­inn at­kvæð­is­rétt. „Stund­um eru það annarra manna heil­ar og annarra manna hjörtu sem vita best.“

Mest lesið

Mest lesið í vikunni

Mest lesið í mánuðinum

Sælukot hagnast um tugi milljóna en starfsfólk og foreldrar lýsa skorti
4
Rannsókn

Sælu­kot hagn­ast um tugi millj­óna en starfs­fólk og for­eldr­ar lýsa skorti

Einka­rekni leik­skól­inn Sælu­kot, sem hef­ur feng­ið millj­arð króna í op­in­ber fram­lög síð­asta ára­tug, hef­ur hagn­ast vel og nýtt pen­ing­ana til að kaupa fast­eign­ir fyr­ir stjórn­ar­for­mann­inn. Stjórn­end­ur leik­skól­ans segja mark­mið­ið vera að ávaxta rekstr­araf­gang, en fyrr­ver­andi starfs­menn og for­eldr­ar nem­enda kvarta und­an langvar­andi skorti. Skól­an­um var ný­lega lok­að tíma­bund­ið vegna óþrifn­að­ar og mein­dýra.
Hollt mataræði lykilatriði að góðri heilsu
6
Fréttir

Hollt mataræði lyk­il­at­riði að góðri heilsu

Ax­el F. Sig­urðs­son, sér­fræð­ing­ur í hjarta­lækn­ing­um, hef­ur skoð­að tengsl fæðu og lífs­stíls við sjúk­dóma, einkum hjarta- og æða­sjúk­dóma. Tal­að hef­ur ver­ið um að lífs­stíls­sjúk­dóm­ar séu stærsta ógn­in við heilsu fólks og heil­brigðis­kerfi til næstu ára­tuga. Ax­el seg­ir að fólk geti breytt miklu með hollu mataræði og hreyf­ingu. Fé­lags­leg tengsl séu líka mik­il­væg. Hann ráð­legg­ur hreina fæðu til að sporna við kvill­um.

Mest lesið í mánuðinum

Nýtt efni

Mest lesið undanfarið ár