„Við erum í þeim fasa að kynjaskipta meðferðinni meira. Við erum að reyna að mæta konum betur og styrkja þær,“ segir Elías Guðmundsson, framkvæmdastjóri Krýsuvíkursamtakanna. „Meðferðin er kynjaskipt að hluta en í þessum töluðu orðum erum við að byggja kvennaálmu þannig að þær verði meira út af fyrir sig. Samskipti kynjanna eru oft viðkvæm þegar fólk er í meðferð,“ segir hann. 

Krýsuvíkursamtökin reka meðferðarheimilið Krýsuvík. Meðferðin byggist á tólf spora kerfinu og er að lágmarki sex mánuðir. 

Ákall hefur verið eftir aukinni kynjaskiptingu í meðferð. Það kom meðal annars fram í niðurstöðum rannsóknar á vegum Rótarinnar árið 2017 um reynslu kvenna af fíknimeðferð. Þá sögðu 34,6% kvenna að þær hefðu orðið fyrir kynferðislegri áreitni í meðferð, 12% fyrir kynferðisofbeldi og 28% fyrir andlegu ofbeldi í meðferð.

Elías segir hratt brugðist við ef starfsfólk verður vart við ofbeldi af hálfu skjólstæðinga. „Ef það er ofbeldishegðun þá bæði sjáum við það strax …