Þessi grein birtist fyrir meira en ári.

Vesturbyggð leggst gegn affriðun Vatnsfjarðar

Bæj­ar­stjórn Vest­ur­byggð­ar vill að haf­ist verði handa „nú þeg­ar“ við tvö­föld­un Vest­ur­línu og að beð­ið verði með að kanna hvort ástæða sé til að breyta frið­lýs­ingu Vatns­fjarð­ar líkt og Orku­bú Vest­fjarða hef­ur far­ið fram á svo þar megi reisa virkj­un.

Vesturbyggð leggst gegn affriðun Vatnsfjarðar
Friðland Vatnsfjörður var friðaður árið 1975 eða fyrir tæplega hálfri öld. Mynd: Elva Björg Einarsdóttir

Ekki er tímabært að kanna hvort breyta ætti friðlýsingarskilmálum Vatnsfjarðar, að mati bæjarstjórnar Vesturbyggðar sem fjörðurinn er innan. Áður en að slíku kemur ætti að setja þá tvo virkjunarkosti á Vestfjörðum sem þegar eru í nýtingarflokki rammaáætlunar í forgang og hefja strax vinnu við tvöföldun Vesturlínu, einu meginflutningslínunnar inn á Vestfirði. Tvöföldunin sé nauðsynleg til að tryggja flutning raforku til og frá svæðinu.

„Þannig fái náttúran í Vatnsfirði áfram að njóta vafans, og að ekki verði gengið lengra en nauðsynlegt er,“ segir í umsögn bæjarstjórnarinnar um erindi Orkubús Vestfjarða til umhverfis-, orku- og loftslagsráðherra um afnám eða breytingu friðlýsingar Vatnsfjarðar svo fyrirtækið geti reist þar vatnsaflsvirkjun. Markmið fyrirtækisins með nýrri virkjun á svæði sem nú er friðland er að auka orkuframleiðslu innan svæðisins í þeim tilgangi að afhendingaröryggi rafmagns, svara aukinni eftirspurn fyrirtækja eftir orku og hafa til reiðu „grænt varaafl“ svo ekki þurfi að brenna olíu. Þá mætti líka nýta virkjunina til jöfnunar á móti vindorku.

En bæjarstjórnin segir: „Lokið verði fyrst við þær framkvæmdir sem þegar hafa verið undirbúnar til að mæta þeim mikilvægu almannahagsmunum sem felast í aðgengi að orku á Vestfjörðum áður en ákvörðun er tekin um afnám eða breytingu á friðlýsingarskilmálum Vatnsfjarðar.“

Þær tvær virkjunarhugmyndir á Vestfjörðum sem Vesturbyggð vísar til í umsögn sinni og eru þegar í nýtingarflokki rammaáætlunar eru Austurgilsvirkjun og Hvalárvirkjun. Fyrrnefnda hugmyndin snýst um að virkja Austurgilsá sem fellur í Selá í Skjaldfannardal við Ísafjarðardjúp. Uppsett afl hennar er áformað um 35 MW. Síðarnefnda hugmyndin hefur verið mjög umdeild, ekki síst meðal íbúa Árneshrepps sem er fámennasta sveitarfélag landsins. Með Hvalárvirkjun (55 MW) yrðu vötn á Ófeigsfjarðarheiði stífluð og rennsli þriggja áa virkjað.

Gjöbreytt ásýnd fossa

Orkubú Vestfjarða fór þess á leit við umhverfis-, orku- og loftslagsráðherra snemma árs að hann breytti skilmálum Friðlandsins í Vatnsfirði. Ráðherra vildi frekari gögn og skilaði fyrirtækið greinargerð sinni nú í haust.

Samkvæmt henni myndu 3-4 hektarar af birkiskógi raskast með byggingu virkjunarinnar, vörður á fornri þjóðleið mögulega sömuleiðis og skert rennsli í ám, um allt að 74 prósent, myndi gjörbreyta ásýnd fossa. Þá má búast við raski á sérstæðum jarðmyndunum, m.a. skessukötlum. Að auki myndu miðlunarlón skerða óbyggð víðerni.

Til þessarar niðurstöðu vitnar bæjarstjórn Vesturbyggðar í umsögn sinni og að virkjun og tengdar framkvæmdir kæmu til með að raska náttúrufars- og menningarþáttum sem hafi hátt verndargildi. „Virkjunin myndi hafa í för með sér rask á birki sem nýtur sérstakrar verndar, áhrif á vatnalíf, rask á búsvæðum dýra, áhrif á menningarminjar á svæðinu, þ.e. varðaðri Þingmannaleið og áhrif á rennsli í Vatndalsá og Austurá sem mun hafa áhrif á ásýnd fossa sem njóta sérstakrar verndar í náttúruverndarlögum“.

Kjósa
12
Hvernig finnst þér þessi grein? Skráðu þig inn til að kjósa.

Athugasemdir (1)

Skráðu þig inn til að skrifa athugasemd eða kjósa.
Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.
Tengdar greinar

Friðlandið í Vatnsfirði

Virkjunin sem enginn vill á leið í nýtingarflokk
SkýringFriðlandið í Vatnsfirði

Virkj­un­in sem eng­inn vill á leið í nýt­ing­ar­flokk

Skógi­vax­inn dal­ur og ósnort­in víð­erni yrðu fyr­ir áhrif­um áform­aðr­ar Tröllár­virkj­un­ar á Vest­fjörð­um. Verk­efn­is­stjórn legg­ur til að kost­ur­inn fari í nýt­ing­ar­flokk ramm­a­áætl­un­ar en land­eig­end­ur segja nei takk. Virkj­un­ar­að­il­inn er ekk­ert sér­stak­lega spennt­ur held­ur og vill frek­ar horfa til ann­ars dals í ná­grenn­inu.

Mest lesið

Safnar fyrir útborgun í bílskúr foreldra sinna
2
Viðtal

Safn­ar fyr­ir út­borg­un í bíl­skúr for­eldra sinna

Hjálm­ar Snorri Jóns­son inn­rétt­aði í sum­ar bíl­skúr for­eldra sinna en hann býr í hon­um ásamt kær­ustu sinni. Hann seg­ir auð­veld­ara að geta safn­að fyr­ir íbúð þannig held­ur en að fara fyrst inn á leigu­mark­að­inn. „Það er svo­lít­ið hugs­un­in að í stað þess að vera á leigu­mark­aði get ég bara ver­ið hér og safn­að pen­ing­um,“ seg­ir Hjálm­ar.

Mest lesið

Mest lesið í vikunni

Safnar fyrir útborgun í bílskúr foreldra sinna
4
Viðtal

Safn­ar fyr­ir út­borg­un í bíl­skúr for­eldra sinna

Hjálm­ar Snorri Jóns­son inn­rétt­aði í sum­ar bíl­skúr for­eldra sinna en hann býr í hon­um ásamt kær­ustu sinni. Hann seg­ir auð­veld­ara að geta safn­að fyr­ir íbúð þannig held­ur en að fara fyrst inn á leigu­mark­að­inn. „Það er svo­lít­ið hugs­un­in að í stað þess að vera á leigu­mark­aði get ég bara ver­ið hér og safn­að pen­ing­um,“ seg­ir Hjálm­ar.
Brotthvarf að meðaltali hærra úr íslenskum háskólum en í OECD-ríkjum
6
Fréttir

Brott­hvarf að með­al­tali hærra úr ís­lensk­um há­skól­um en í OECD-ríkj­um

Nið­ur­stöð­ur nýrr­ar skýrslu OECD um há­skóla­mál sýna að brott­hvarf er hærra á Ís­landi en að með­al­tali í OECD-ríkj­um. Þá seg­ir að tryggja þurfi að ís­lensk­ir há­skól­ar standi jafn­fæt­is öðr­um OECD há­skól­um. „Þess­ar nið­ur­stöð­ur stað­festa að há­skóla­mál­in þurfa að njóta sér­stakr­ar at­hygli,“ seg­ir Logi Ein­ars­son menn­ing­ar-, ný­sköp­un­ar- og há­skóla­ráð­herra.

Mest lesið í mánuðinum

„Ég er mjög stolt af því að hafa tekið þennan slag“
3
Fréttir

„Ég er mjög stolt af því að hafa tek­ið þenn­an slag“

Mann­rétt­inda­dóm­stóll Evr­ópu komst í dag að þeirri nið­ur­stöðu að ís­lenska rík­ið hefði ekki brot­ið á Bryn­dísi Ásmunds­dótt­ur. Hún seg­ir skrít­ið að tala um tap þeg­ar Mann­rétt­inda­dóm­stóll Evr­ópu veitti henni áheyrn. Nú geti hún loks náð and­an­um. Mark­mið­um um að vekja máls á brota­löm­um í ís­lensku rétt­ar­kerfi hafi náðst, ekki síst þeg­ar sig­ur vannst í öðru mál­inu.

Mest lesið í mánuðinum

Nýtt efni

Mest lesið undanfarið ár