Fréttir

Sagði skilið við íslenska nýnasista: „Sorglegur, rasískur saumaklúbbur“

Ungur maður úr Mos­fellsbæ sér eftir að hafa átt aðild að íslensku nýnas­ista­hreyf­ing­unni Norð­ur­vígi. Hann segir frá því sem gerð­ist raun­veru­lega í starfi hóps­ins, allt fram að því að hann var hand­tek­inn á Lækj­ar­torgi. Hann seg­ist hafa lært að skilja heim­inn betur.

Sagði skilið við íslenska nýnasista: „Sorglegur, rasískur saumaklúbbur“
Norð­ur­vígi Norrænir nýnas­istar komu saman á Lækj­ar­torgi í sept­em­ber 2019. Var það stuttu áður en Gunnar sagði skilið við hreyf­ing­una.
Birtist fyrir 3 árum.

„Þetta er allt í for­tíð­inni fyrir mér. Manstu eftir nas­ista­sam­tök­unum Norð­ur­vígi? Ég datt inn í þau þegar ég var ungur polli. En svo þroskast maður og hættir að vera heimskur. Ég er ekki í þeim lengur og ég styð þetta ekki neitt.“ 

Þetta segir Gunnar, fyrrum með­limur í Norð­ur­vígi, í sam­tali við Heim­ild­ina. Gunnar er ekki hans raun­veru­lega nafn en hann hefur viljað fjar­lægja sig eins mikið og hann getur frá þátt­töku sinni í íslensku nýnas­ista­hreyf­ing­unni. „Ég er búinn að vera að aftengja mig alveg 100% frá þessu,“ segir hann. Fjallað hefur verið um hreyf­ing­una í fjöl­miðlum síð­ustu ár, meðal ann­ars um hvernig sam­tökin lokka til sín ung­linga í við­kvæmri stöðu, en fram að þessu hefur ekki birst frá­sögn frá inn­an­búð­ar­mönnum af því sem ger­ist að tjalda­baki.

Norð­ur­vígi er íslenski armur Norrænu mót­spyrnu­hreyf­ing­ar­innar (e. Nordic resistance movem­ent) sem eru sam­tök nýnas­ista á Norð­ur­lönd­unum. Nafnið Norð­ur­vígi er þó ekki upp­runa­legt nafn sam­tak­anna. Gunnar útskýrir að Norð­ur­vígi hafi upp­haf­lega verið heitið á frétta­miðli þeirra.

„Einhvern veg­inn byrj­aði fólk að kalla þetta eftir frétta­miðl­inum, sem er ótrú­lega fyndið. Og er bara gott, held ég, því það tekur svo­lítið af þeim kraft­inn. Þeir eru bara þessi frétta­mið­ill ein­hvers staðar.“

Tíu meðlimir þegar mest lét 2019

Gunnar útskýrir fyrir blaða­manni að hann hafi leiðst út í Norð­ur­vígi í gegnum spjall­síðu á net­inu árið 2019. Þá var hann var aðeins 17 ára gam­all. Hann seg­ist ekki muna nafn vef­síð­unnar en líkir hanni við 4Chan. Á síð­unni hafi engar reglur gilt um hvað fólk mátti segja. „Og maður er 17 ára og hefur enga rök­hugsun,“ segir hann. 

Sökum ald­urs seg­ist Gunnar hafa verið ginn­keyptur fyrir þeim áróðri sem við­gekkst inni á síð­unni. „Ég fer að hugsa að það sé eitt­hvað rétt í honum [áróðr­inum]. Þá ákveð ég að fara að spyrj­ast eftir þessu.“ Hann skrifar þessar ákvarð­anir á upp­reisn­ar­hug ung­lings­ár­anna. Hann segir að um tíma­bil hafi verið að ræða. „Svona phase kjaftæði.“

Kjósa
39
Hvernig finnst þér þessi grein? Skráðu þig inn til að kjósa.
Efnisorð

Athugasemdir (1)

Skráðu þig inn til að skrifa athugasemd eða kjósa.
  • Þorkell Egilsson skrifaði
    19. desember 2023 17:44
    Sé lítinn mun á samsæriskenningum nýnasista um annað fólk en þá sjálfa og íslamista lesefnið. Hamas, ISIS , al Qaida , Talibanar, Hezbollah eru með sama plan og sömu staðhæfingar um gyðinga. Það virðast þó ekki allir sjá það. Kommúnistar á Vesturlöndum og víðar styðja íslamista hreyfingar þó þær séu nasískar í flestum stefnumálum og íhaldssamari en repúblikana flokkurinn í Ameríku. Það væri hlægileg staðreynd ef hún væri ekki svona sorgleg staðfesting á að ofbeldi þessarra tveggja hópa er réttlætt án neins annars en fordóma. Bara gyðingahatrið úr forinni.
    -1
Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið

„Margt sem ég hef séð situr í mér“
4
Viðtal

„Margt sem ég hef séð situr í mér“

Þegar Halla Bergþóra Björns­dóttir varð fyrst kvenna til þess að sinna lög­gæslu á Húsavík fékk hún að heyra að konur ættu ekk­ert erindi í lög­regl­una. Hún lét það ekki á sig fá, varð lög­reglu­stjóri og loks rík­is­lög­reglu­stjóri. Starfið hefur breytt henni, enda hefur hún komið að erf­iðum málum og fengið hót­anir. Á sama tíma hefur hún öðl­ast skarp­ari sýn á lífið, sterk­ari löngun til að gera gagn og fundið fyrir þakk­læti fyrir allt það góða.

Mest lesið

Mest lesið í vikunni

Mest lesið í mánuðinum

Mest lesið í mánuðinum

Nýtt efni

„Margt sem ég hef séð situr í mér“
Viðtal

„Margt sem ég hef séð situr í mér“

Þegar Halla Bergþóra Björns­dóttir varð fyrst kvenna til þess að sinna lög­gæslu á Húsavík fékk hún að heyra að konur ættu ekk­ert erindi í lög­regl­una. Hún lét það ekki á sig fá, varð lög­reglu­stjóri og loks rík­is­lög­reglu­stjóri. Starfið hefur breytt henni, enda hefur hún komið að erf­iðum málum og fengið hót­anir. Á sama tíma hefur hún öðl­ast skarp­ari sýn á lífið, sterk­ari löngun til að gera gagn og fundið fyrir þakk­læti fyrir allt það góða.

Mest lesið undanfarið ár