Í súld og flöktandi jólaljósum brugðu tvær blaðakonur af Heimildinni sér á málþing í ráðhúsinu á vegum mannréttinda- og ofbeldisvarnaráðs Reykjavíkur um umræðu og tjáningarfrelsi í lýðræðissamfélagi. Kveikja þess var meðal annars að fulltrúar ráðsins voru nýkomnir af norrænni ráðstefnu, Nordic safe cities, þar sem rædd hafði verið skautun samfélagsumræðunnar og hættan á að fólk væri í auknum mæli hætt að þora að tjá hugsanir sínar. Því var ekki úr vegi að velta upp spurningunni um það hvort getan til að vera ósammála fari hratt dvínandi. Önnur blaðakonan tók þátt í umræðum á málþinginu en báðar voru áhugasamar og deila þeirri reynslu að hafa verið stefnt vegna orða fyrir dómi. 

Málþingið var ágætlega sótt, þarna sat fólk á ýmsum aldri og boðið var upp á jarðarberjadjús og samlokur frá Joe & the Juice. Formaður áðurnefnds ráðs, Magnús M. Norðdahl, stóð fyrir þessu þingi um tjáningarfrelsið – sem er ein grunnstoð …