Óperu­dagar eru farnir af stað og er hátíðin í ár viða­mikil og fjöl­breytt, allt frá ein­söngs­tón­leikum, fyr­ir­lestrum, masterklössum og upp í heilar óperur og þær nokkrar. Spenn­andi dag­skrá þar sem unn­endur söng­listar geta örugg­lega allir fundið eitt­hvað við sitt hæfi en hátíðin er, eins og segir á vef­síðu hennar: „... vett­vangur klass­ískra söngv­ara og þeirra sam­starfs­fólks sem vilja í sam­ein­ingu og sam­starfi efla og styrkja óperu-, söng- og tón­list­ar­leik­hús­sen­una á Íslandi“. Stórgóð og þörf hátíð sem Guja Sandholt hefur haft veg og vanda af frá upp­hafi ásamt góðu sam­starfs­fólki. 

Yfirgefinn á sínum verstu stundum

Verk ung­verska tón­skálds­ins Györgys Kurtág, Kafka frag­ments ópus 24 frá árinu 1986, var flutt í Salnum í Kópavogi á hátíð­inni sunnu­dags­kvöldið 22. októ­ber sl. af þeim Ragn­heiði Ingunni Jóhanns­dóttur sópran­söng­konu og Rann­veigu Mörtu Sarc fiðlu­leik­ara. Verkið hefur aðeins einu sinni áður hljó­mað opin­ber­lega á tón­leikum á Íslandi þegar þær Herdís Anna Jón­as­dóttir og Elfa …