Kosn­ing­arnar í Póllandi þann 15. októ­ber gætu varla verið meira spenn­andi. Kannanir benda til að afar mjótt verði á munum og að eitt eða tvö þing­sæti til eða frá gætu ráðið úrslitum. Og nokkuð er í húfi. 

Kosn­inga­banda­lag sem nefnir sig „Sameinað hægri“ hafa verið með meiri­hluta und­an­farin átta ár en gætu nú misst hann. Sameinað hægri sam­anstendur af fimm flokkum og er langstærstur þeirra Pis flokk­ur­inn, sem á íslensku nefn­ist „Lög og rétt­læti“. Pis hefur ítrekað lent upp á kant við Evr­ópu­sam­bandið og í Brussel þykir stefna hans ganga gegn sumum af grund­vall­ar­hug­myndum sam­bands­ins, svo sem um sjálf­stæði dóm­stóla. Pólland hefur af þeim sökum verið sektað og auk þess ekki fengið greidda covid-styrki sem ESB greiddi ann­ars út sökum far­ald­urs­ins. Þá hafa lög um alls­herj­ar­bann gegn þung­un­ar­rofi verið afar umdeild. Flokk­ur­inn hefur gert út á harða stefnu í inn­flytj­enda­málum, ekki síst gegn múslimum, og meðal ann­ars gert flótta­menn sem …