Ég man ekki eftir að hafa séð jafn marga flautuleikara, flautukennara og flautunemendur samankomna á einum stað eins og í Eldborg fimmtudagskvöldið 14. september sl. 

Ástæðan var einföld því á efnisskrá kvöldsins voru þrír flautukonsertar þar sem heimsmeistarinn í flautuleik lék einleik. Fransk-svissneski flautuleikarinn Emmanuel Pahud er goðsögn í lifanda lífi, fæddur árið 1970 og var aðeins 22 ára gamall þegar hann gerðist leiðari flautudeildar Fílharmóníusveitarinnar í Berlín. Hann hefur síðan auk þess gegnt þeirri stöðu að vera einn eftirsóttasti einleikari samtímans og leikur jöfnum höndum ný og gömul verk með Sinfóníuhljómsveitum víða um heim sem og kammertónlist. Þetta voru frábærir tónleikar og ekki verður sagt annað en að hljómsveitin fari prýðilega af stað þetta starfsárið þrátt fyrir fréttir um kurr innan sveitarinnar, sem vonandi leysist fljótt.

Skógarkyrrðin umvefjandi

Á undan konsertunum hljómaði Forleikurinn að Síðdegi skógarpúkans eftir Claude Debussy þar sem flautan spilar einnig stóra rullu. Að þessu sinni …