Alvotech tapaði 86,9 milljónum Bandaríkjadala, eða 11,4 milljörðum króna á gengi dagsins í dag, á fyrstu sex mánuðum ársins 2023. Inni í þeirri tölu er þó skattalegt tap upp á 6,5 milljarða króna sem félagið færir sem tekjur í ársreikningi sínum. Rekstrartap Alvotech á fyrri hluta ársins var 189,1 milljón Bandaríkjadala, eða 24,8 milljarðar króna.
Þetta kemur fram í árshlutareikningi Alvotech sem birtur var í vikunni.
Þegar Alvotech greindi frá uppgjöri sínu fyrir fyrstu þrjá mánuði ársins kom fram að félagið hefði tapað 276,2 milljónum Bandaríkjadala á því tímabili, sem var um 38 milljarðar króna. Því mætti ætla, út frá því að tapið um mitt ár var miklu minna, að mikill viðsnúningur hefði orðið í rekstrinum og tekjur aukist langt umfram kostnað frá lokum mars og út júní. Málið er þó ekki svo einfalt, þótt sölutekjurnar hafi vissulega aukist frá sama tímabili í fyrra og voru alls 22,7 milljónir Bandaríkjadala, …
Athugasemdir