Þessi grein birtist fyrir meira en ári.

Fréttir

Martröð á grískum eyjum

Gróðureldar loguðu í nótt og morgun á yfir áttatíu stöðum í Grikklandi. Tugþúsundum hefur verið gert að flytja sig um set á nokkrum eyjum þar sem martraðarkenndir eldar loga. Talið er að einhverjir þeirra hafi verið kveiktir vísvitandi.

24. júlí 2023 · 12:00

Sunna Ósk Logadóttir

sunna@heimildin.is

Eftir margra daga hitabylgju og þurrka hafa tugir gróðurelda kviknað á grísku eyjunum, langflestir í gær, sunnudag. Þeir hafa ætt um stór svæði án þess að hægt hafi verið að koma nokkrum vörnum við. Grískir slökkviliðsmenn hafa því staðið í ströngu og fengið liðsinni félaga frá ýmsum Evrópuríkjum, nú síðast frá Bretlandi. Tæplega 500 slökkviliðsmenn eru að störfum í Grikklandi í augnablikinu.

Yfir 2.500 manns voru flutt frá norðurhluta eyjunnar Corfú í nótt, jafnt íbúar sem ferðamenn er þar höfðu ætlað að njóta hins rómaða gríska sumars. Þetta sumar hefur hins vegar verið óvenju heitt, hitinn oftsinnis farið vel yfir 40 gráður, og ekki einn einasti rigningardropi fallið dögum saman.

Vindasamt í stækjunni

Á Corfú hefur verið reynt að nota þyrlur til slökkvistarfsins en það hefur reynst þrautin þyngri að sögn talsmanns slökkviliðsins. Það er vindasamt og steikjandi hitinn í ofanálag hefur gert slökkvistarf sérlega erfitt. Þótt einhverjum böndum hafi tekist að koma á gróðureldana í nótt er óttast að vegna þessara aðstæðna í dag gætu þeir tekið sig upp að nýju og jafnvel sótt í sig veðrið.

Ástandið hefur hins vegar verið verst á eyjunni Ródos. Þar hafa gróðureldar logað í sex daga í röð og yfir 20 þúsund manns þurft að yfirgefa þau svæði, m.a. vinsæla ferðamannastaði, þar sem þeir eru hvað mestir. Þúsundir hafast enn við í neyðarskýlum eða á flugvöllum og bíða eftir fari til sinna heimalanda. Gríska loftslagsráðuneytið hefur staðfest að um sé að ræða mestu rýmingu vegna gróðurelda í sögu landsins.

Oftsinnis hefur þurft að rýma svæði með stuttum fyrirvara og stundum hefur fólk verið flutt á einn stað aðeins til þess að þurfa að flýja hann líka vegna þess hve eldarnir fara hratt yfir. Ferðamenn hafa lýst öngþveiti og að of fáar rútur hafi verið sendar til að flytja fólk. Þannig hafi allt að 90 manns verið troðið inn í 50 sæta rútu, svo dæmi sé tekið.

Eldarnir hafa gleypt heimili og hótel í nokkrum þorpum á Ródos og í morgun var enn ekki búið að ná tökum á þeim.

Hiti mældist yfir 40 gráður á 180 stöðum í Grikklandi í gær, sunnudag. Hæsti hiti mældist í smábæ við suðurströnd Grikklands, 46,4 gráður. Hitastigið er skaplegra í dag, víða í kringum 38 gráðurnar en á morgun er aftur spáð hitasvækju. Von er á ögn svalara veðri þegar líður á vikuna.

Hlýnun loftslags af mannavöldum á sinn þátt í því sem er að gerast í Grikklandi. Meðalhitastig á jörðinni hefur þegar hækkað um 1,1 gráðu frá iðnbyltingu. Hitabylgjur munu verða tíðari, heitari og standa lengur.

Evrópa er sú heimsálfa sem hefur hlýnað mest. Þar er nú að meðaltali 2,3 gráðum heitara en fyrir iðnbyltingu að því er fram kemur hjá Alþjóða veðurstofnuninni.

Kjósa

Hvernig finnst þér þessi grein? Skráðu þig inn til að kjósa.

Deila

Athugasemdir

Skráðu þig inn til að skrifa athugasemd eða kjósa.

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið

Allt af létta

Leggur hempuna á hilluna eftir jól

Ólafur Jóhann Borgþórsson sóknarprestur þjónar í síðasta sinn í opinni messu á aðfangadag. Hann söðlar svo um strax fyrsta dag nýs árs og verður framkvæmdastjóri Herjólfs, ferjunnar á milli Vestmannaeyja og fasta landsins. „Það verður engin jarðarfararstemning,“ segir hann glaður í bragði um sína síðustu messu.

ViðtalJólin

Jesús og María halda jólin í Reykjavík með Jesú

Jesús Sigfús, konan hans María og sonur þeirra Kristján Jesús halda jólin heilög saman í Reykjavík. Sá eldri fékk símtal frá nunnu sem leitaði til hans vegna nafnsins en sá yngri fékk í fyrra sérstaka jólakveðju frá ókunnugri konu sem vildi heyra í Jesú rétt fyrir afmæli frelsarans.

Á vettvangi

Jóhannes Kr. Kristjánsson

Að finna fyrir einmanaleika

Ég öskraði, grét og talaði við gröf hans föður míns. Ég hef aldrei verið eins einmana og þegar hann dó.

Líf mitt í fimm réttum

Lærði að elda af Frikka Dór

Dóra Einarsdóttir hefur upplifað margt og kynnst matarmenningu víða. Hún deilir hér uppskriftum að mat sem minna á góðar stundir.

GagnrýniFrumherjar – Tíu húsameistarar fæddir fyrir aldamótin 1900

Tíu meistarar

„Ritverk Björns á þessu sviði má líta á sem tilraun til að styrkja húsavernd sem stendur mjög höllum fæti í okkar samfélagi,“ skrifar Páll Baldvin Baldvinsson um bókina Frumherjar – Tíu húsameistarar fæddir fyrir aldamótin 1900.

MaturJólin

Hátíðarfylling fyrir kalkún og franskt kartöflugratín

Uppskrift að kalkúnafyllingu með kastaníuhnetum sem þú átt örugglega eftir að elska.

Mest lesið

Mest lesið í vikunni

Viðskipti

Ráðuneyti keypti danska hönnunarsófa fyrir 5,9 milljónir

Háskóla-, nýsköpunar- og iðnaðarráðuneytið hefur undanfarna mánuði keypt húsgögn úr hönnunarverslun, sem þar til nýlega hét Norr11, að andvirði rúmlega tíu milljóna króna. Um er að ræða samsettan sófa, kaffiborð, borðstofuborð og fleiri húsgögn að andvirði 10,2 milljóna króna. Þar af er 1,3 milljóna króna sófi inni á skrifstofu ráðherra.

Á vettvangi

Vont að vita af þeim einum yfir hátíðarnar

„Maður veltir fyrir sér hvað varð til þess að hann var bara einn og var ekki í tengslum við einn né neinn,“ segir lögreglukona sem fór í útkall á aðventunni til einstæðings sem hafði dáið einn og legið lengi látinn.

Fréttir

Rak 90 prósent starfsfólks fyrir að skrópa á morgunfund

Baldvin Oddsson, ungur íslenskur athafnamaður, rataði nýverið í fréttir í Bandaríkjunum fyrir að reka 99 starfsmenn úr sprotafyrirtæki sem hann stofnaði og rekur. Framkvæmdastjórinn mun hafa verið ósáttur við slaka mætingu á morgunfund, þar sem aðeins ellefu af 110 starfsmönnum melduðu sig, og tilkynnti þeim sem voru fjarverandi að þau væru rekin.

Fólkið í borginni

Situr í gamla stólnum hans pabba

Elsu Björgu Magnúsdóttur rann blóðið til skyldunnar þegar faðir hennar lést fyrir 18 árum og flutti heim til Íslands. „Ég þurfti á Íslandi og fjölskyldunni að halda og þau mér.“

Fréttir

Selja aðgang að bílastæðum við Laugardalshöll á 5.990 krónur

Bílastæðin næst Laugardalshöllinni verða frátekin fyrir þau sem eru tilbúin að borga hátt í 6 þúsund krónur fyrir að leggja bílum sínum þar á meðan tónleikarnir Jólagestir Björgvins fara fram á laugardagskvöld. Hluti stæðanna sem Sena selur aðgang að standa á landi Reykjavíkurborgar við Engjaveg, utan lóðarmarka Laugardalshallarinnar.

Viðtal

Ísrael og Palestína: „Stjórnvöld sem líkja má við mafíur“

Dorrit Moussaieff er með mörg járn í eldinum. Hún ferðast víða um heim vegna starfs síns og eiginmannsins, Ólafs Ragnars Grímssonar, þekkir fólk frá öllum heimshornum og hefur ákveðna sýn á viðskiptalífinu og heimsmálunum. Hún er heimskona sem hefur í áratugi verið áberandi í viðskiptalífinu í Englandi. Þessi heimskona og fyrrverandi forsetafrú Íslands er elskuleg og elskar klónaða hundinn sinn, Samson, af öllu hjarta.

Mest lesið í mánuðinum

VettvangurHjólhýsabyggðin

Við erum ekkert „trailer trash“

Lilja Karen varð ólétt eftir glasafrjóvgun þegar hún bjó á tjaldsvæðinu í Laugardalnum og á dögunum fagnaði dóttir hennar árs afmæli. Afmælisveislan var haldin í hjólhýsi litlu fjölskyldunnar á Sævarhöfða, þar sem þær mæðgur búa ásamt hinni mömmunni, Friðmeyju Helgu. „Okkar tilfinning er að það hafi verið leitað að ljótasta staðnum fyrir okkur,“ segir Friðmey, og á þar við svæðið sem Reykjavíkurborg fann fyrir hjólhýsabyggðina.

Viðskipti

Ráðuneyti keypti danska hönnunarsófa fyrir 5,9 milljónir

Á vettvangi

Vont að vita af þeim einum yfir hátíðarnar

VettvangurHjólhýsabyggðin

„Þetta er eins og að búa í einbýlishúsi“

Bergþóra Pálsdóttir, Bebba, hefur unun af því að fá gesti til sín í hjólhýsið og finnst þetta svolítið eins og að búa í einbýlishúsi. Barnabörnin koma líka í heimsókn en þau geta ekki farið út að leika sér í hjólhýsabyggðinni í Sævarhöfðanum: „Þau skilja ekki af hverju við vorum rekin úr Laugardalnum og sett á þennan ógeðslega stað.“

Vísbending

Gylfi Magnússon

Verstu mistök Íslandssögunnar

Gylfi Magnússon, prófessor við viðskiptafræðideild HÍ, skrifar um verstu mistök Íslandssögunnar í nýjasta tölublaði Vísbendingar. „Íslendingar hafa auðvitað gert alls konar mistök sem þjóð og þurft að súpa seyðið af því.“ En hver eru þau verstu?

Fréttir

Tilnefnd sem framúrskarandi ungur Íslendingur en verður send úr landi

Til stendur að hin sýrlenska Rima Charaf Eddine Nasr verði send úr landi. Hún var á dögunum ein af tíu sem tilnefnd voru til verðlaunanna Framúrskarandi ungur Íslendingur í ár. Tilnefninguna fékk hún fyrir sjálfboðaliðastörf sem hún hefur unnið með börnum. Hér á hún foreldra og systkini en einungis á að vísa Rimu og systur hennar úr landi.