Miðaldra konur athugið: Hjá Hrafnhildi hefur tekið upp nýja sendingu af drapplituðum rykfrökkum og Girls5eva er á Netflix. (Hjá Hrafnhildi var bara eitthvert grín sem mér datt í hug því eins og sjá má á mínum sorglega klæðaburði, veit ég ekki hvar þið kaupið fötin ykkar. En endilega kíkið á Girls5eva.)

Little stranger framleiðslufyrirtækið, sem stendur á bak við þættina, er stofnað af engri annarri en Tinu Fey og ef yfirgengilegt sjónvarpsgláp hefur kennt mér eitthvað þá er nafnið hennar oftast gæðastimpill á grínþáttum. Fröken Fey kynntist ég fyrst í gegnum kvikmyndina Mean Girls sem var vissulega góð en ég varð ekki almennilegur Feyisti fyrr en 30 Rock hóf göngu sína.

Ef grín væri nammi þá eru þættir, sem Fey kemur nálægt, sprenginammi sem snarkar í munninum, ærir og gleður. Hún sér til þess að það séu brandarar á tíu sekúndna fresti. Eina undantekningin er að mínu mati Unbreakable Kimmy …