Kór Hall­gríms­kirkju og Barokk­bandið Brák efndu til tón­leika í stapp­fullri Hall­grím­skrikju sunnu­dag­inn 21. maí sl. undir yfir­skrift­inni Mozart í maí. Á efn­is­skrá voru nokkrar perlur úr smiðju meist­ar­ans, sú viða­mesta Krýn­ing­ar­messa hans í C dúr, sem var síð­ust á efn­is­skrá. En tón­leik­arnir hófust á Kirkju­sónötu í C dúr K.329/317a, sem talin er vera frá svip­uðum tíma og Krýn­ing­ar­messan, sem samin var árið 1779. Í tón­leika­skrá mátti lesa fróð­legan texta Halldórs Hauks­sonar um verkin. Þar kom m.a. fram að Mozart hafi samið sautján svo­kall­aðar kirkju­sónötur, sem ætl­aðar voru til flutn­ings við messu­gjörð í dóm­kirkj­unni Salzburg og hljóm­uðu á eftir pistli dags­ins á meðan prest­ur­inn …